កាលពីថ្ងៃទី៥ ខែកញ្ញា នៅភូមិស្ដើងជ័យ ឃុំស្ដើងជ័យ ស្រុកជើងព្រៃ ខេត្តកំពង់ចាម ឯកឧត្តមបណ្ឌិតច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានជួបសំណេះសំណាលជាមួយកសិករ ១០០គ្រួសារ ដើម្បីស្នើរឱ្យកសិករធ្វើការផ្លាស់ប្ដូរថ្មីមួយទាក់ទងទៅនឹងការធ្វើថ្នាលសំណាប។
ឯកឧត្តមបានអំពាវនាវថាប្រជាកសិករ មិនត្រូវធ្វើសំណាបរង់ចាំទឹកភ្លៀងទៀតទេ ត្រូវប្ដូរមកមានទឹករងចាំសំណាបវិញម្ដង។ ពោលគឺ ត្រូវសំលឹងមើលពីប្រភពទឹកជាមុន ដើម្បីចៀសវាងការខូចខាតបង់ប្រាក់កាស។ លើសពីនេះទៀត ឯកឧត្ដមរដ្ឋមន្ត្រីបានពន្យល់ប្រាប់កសិករផងដែរអំពីរបៀបធ្វើថ្នាលសំណាបបែបថ្មីដែលតូច និងប្រើប្រាស់គ្រាប់ពូជស្រូវស្រាលសុទ្ទល្អ។ អនុវត្តន៍ប្រពលវប្បកម្ម។ លើសពីនេះត្រូវធ្វើការរៀបចំភ្លឺស្រែឱ្យមាំ និងការគ្រប់គ្រងទឹកឱ្យបានល្អ គឺជាការចាំបាច់ផងដែរ។
ក្នុងឱកាសនោះឯកឧត្តមរដ្ឋមន្ត្រី បានណែនាំឱ្យប្រធានមន្ទីរកសិកម្មខេត្ត ពិនិត្យការធ្វើថ្នាលសំណាបរួម ដើម្បីចែកជួនកសិករ។ ម្យ៉ាងទៀតកសិករអាចខ្ចីពូជបាន ដោយមិនចាំបាច់ត្រូវសងការដល់មន្ទីរទេ ហើយបើក្នុងករណីធ្វើមិនបានផលមិនចាំបាច់សងដើមដល់មន្ទីរកសិកម្មវិញទេ៕
ឯកឧត្ដម រដ្ឋមន្ដ្រីក្រសួងកសិកម្ម ជាន់ខ្ពស់បានដាស់តឿនដល់កសិករថា អាកាសធាតុមានការប្រែប្រួលទូទាំងពិភពលោក ដោយឡែកនៅកម្ពុជាក៏ដូចនេះដែរ ដូចនេះក៏ចាំបាច់កសិករយើងត្រូវតែធ្វើការ កែប្រែទម្លាប់ដើម្បីសម្របទៅនឹងស្ថានភាពជាក់ស្ដែងដែលមានការវិវត្ដន៏នេះដែរ។
ឯកឧត្តម ច័ន្ទ សារុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទបានមានប្រសាសន៌ថាត្រូវផ្តោត គោលដៅឱ្យចំលើតំបន់និងក្រុមមនុស្សមានតម្រូវការខ្លាំងប៉ុន្តែពុំទាន់បានទទួលការផ្គត់ផ្គង់សេវា សមស្រប ជាពិសេសបង្កើនការវិនិយោគពិត ដើម្បីកំណើននៃវិស័យដែលមានសទ្ធភាព និងរកដើម្បីបង្កើនប្រាក់ចំណូលគ្រួសារដែលកំពុងរស់នៅពឹងផ្អែកលើកសិកម្ម។
កាលពីចុងសប្ដាហ៍កន្លងទៅនេះ នៅភូមិចុងសំណាយ ឃុំជ្រៃ ស្រុកមោងឬស្សី ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និង គណៈប្រតិភូអមដំណើរមួយចំនួន រួមទាំងគណៈកម្មាធិការ គម្រោងអេកូសូន បានចុះទៅពិនិត្យ និងសំណេះសំណាល ជាមួយសហគមន៍ផលិតពូជស្រូវ ចុងសំណាយចំនួន ១០០គ្រួសារ។
វត្តវិហារមាស ដែលស្ថិតនៅឃុំអូរសារ៉ាយ ស្រុកត្រាំកក់ ខណៈនេះ បានទទួលសាលាធម្មសភាថ្មីមួយខ្នង នៅពេលដែល មិនយូរប៉ុន្មានសាលានេះ នឹងបម្រើឱ្យសាសនិកជន នៅក្នុងពិធីភ្ជុំបិណ្ឌខាងមុខនេះ។
កាលពីដើមសប្ដាហ៍នេះ នៅភូមិត្រពាំងព្រីង ឃុំពពេល ស្រុកត្រាំកក់ ខណៈដែលស្រូវនៅទីនោះ ត្រូវការការសង្គ្រោះ ពីភាពរាំងស្ងួត ម៉ាស៊ីនបូមទឹក មួយគ្រឿង ត្រូវបានប្រគល់ជួន និងបញ្ជួន ទៅឱ្យបូមទឹកបញ្ចូលស្រែ របស់កសិករ ដែលជាអំណោយរបស់ ឯកឧត្តមបណ្ឌិត ចន្ទ័សារុន រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ។
