អ្នកមីងនាង អូន គឺជាកសិកររស់នៅភូមិ វះពោះ ឃុំខ្វាវ ស្រុកសំរោង ខេត្ដតាកែវ ។ គាត់មានបទពិសោធន៍ដាំដំណាំស្ពៃក្ដោបបានយ៉ាងល្អ ដែលបទពិសោធន៍នេះគាត់ចេះតាមរយៈការអានទស្សនាវដ្ដីកសិករគួបផ្សំនឹងគំនិតច្នៃប្រឌិតរបស់គាត់ផ្ទាល់ ។
១-ការរៀបចំថ្នាល និងការសាបគ្រាប់ ៖ គាត់បានរៀបចំកាប់ដីផ្លាក និងជ្រុំពង្រាបដីឱ្យរាបស្មើ រួចលើកជារងៗដែលមានទទឹង៨តឹក បណ្ដោយប្រវែង៣ម៉ែត្រ និងកំពស់១តឹក ។ បន្ទាប់មក យកជីលាមកគោដែលពុកផុយម៉ដ្ឋល្អប្រហែលជា២អំរែក មករោយ គ្របពីលើឱ្យស្មើល្អ រួចជ្រុំលាយឱ្យសព្វ កៀរឱ្យស្មើល្អ ។ គ្រាប់ស្ពៃក្ដោបដែលត្រូវយកមកសាបត្រូវត្រាំទឹក១យប់ រួចផ្អាប់១យប់ ដើម្បីឱ្យគ្រាប់រីកឆាប់ដុះពន្លក ។ ក្រោយពីត្រាំផ្អាប់ ហើយគាត់សាបឱ្យរង្វើលៗលើថ្នាលដែលបានរៀបចំ ។ បន្ទាប់មកគាត់យកផេះចំបើងមករោយពីលើ ដើម្បីការពារស្រមោច និង ផ្ដល់ជីជាតិដល់កូនដំណាំផង និងយកធាងដូងមកគ្របពីលើរង ដើម្បីការពារកុំឱ្យត្រូវកំដៅថ្ងៃខ្លាំង ឬពេលមានភ្លៀងខ្លាំង ។
កសិករខ្មែរជាច្រើននៅតែត្អូញត្អែរថាចាំបាច់ត្រូវតែប្រើជីគីមីក្នុងការធ្វើស្រែចម្ការ ដោយផ្តល់ហេតុផលថាជីធម្មជាតិមានមិនគ្រប់គ្រាន់ប្រើ ហើយមិនសូវមានប្រសិទ្ធភាព។