កូនជ្រូកចំនួន៦០ក្បាល និងស្មៅ៦មុខ ត្រូវបានផ្ដល់ ជូនដល់កសិករគំរូ ចំនួន៦០នាក់ នៅឃុំគូស ស្រុកត្រាំកក់ កាលពីពេលថ្មីៗនេះ ក្រោមការចូលរួម របស់ឯកឧត្តមបណ្ឌិត ចាន់ សារុន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទ ដែលជាម្ចាស់អំណោយ។
ក្នុងឱកាសនោះ ក៏មានការជួបពេទ្យសត្វ ភូមិចំនួន១០០នាក់ផងដែរ។ កសិករគំរូ ក្រៅពីទទួលបានកូនជ្រូក ស្មៅ៦មុខ ក៏នូវទទួលបានអាវយឺត និងសៀវភៅណែនាំ អំពីវិធីចិញ្ចឹមសត្វដែរ។
ឯកឧត្តមរដ្ឋមន្ត្រី ក៏បានមានប្រសាសន៍ថា ពេលបានកូនជ្រូកហើយ ត្រូវចេះថែរក្សា ហើយទំលាប់ ដែលមិនយកចិត្តទុកដាក់ ក្នុងការជ្រើសរើសពូជ និងថែទាំត្រូវបោះបង់ចោល។ ពោលគឺចិញ្ចឹមសត្វ ត្រូវតែចេះជ្រើសរើសពូជ និងថែទាំ។ ជាមួយគ្នានេះ កសិករគំរូត្រូវឧស្សាហ៍ជួបជុំគ្នាផ្ដល់ និងផ្លាស់ប្ដូរបទពិសោធន៍គ្នាទៅវិញទៅមក។
ឯកឧត្តមបន្តទៀតថា ចាប់ពីពេលនេះទៅ មិនត្រូវពឹងផ្អែកលើដំណាំស្រូវ តែមួយមុខនោះទេ ត្រូវចាប់យកមុខរបរផ្សេងទៀត ដូចជាការចិញ្ចឹមសត្វ ដាំបន្លែជាដើម ហើយមិនត្រូវមានទស្សនៈដាំ ឬចិញ្ចឹមសំរាប់តែផ្គត់ផ្គង់គ្រួសារប៉ុណ្ណោះទេ។
ឯកឧត្តមរដ្ឋមន្ត្រី ក៍បានរំលឹកឱ្យកសិករ ចាប់អារម្មណ៍ផងដែរ ទៅលើការដាំស្មៅពូជ ដែលបានផ្សព្វផ្សាយ ហើយពេទ្យសត្វភូមិ ក៏ត្រូវសកម្មក្នុងការជួយអប់រំជួយណែនាំដល់កសិករ លើការងារនេះ៕
ឯកឧត្តមបណ្ឌិត ចាន់សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មន្ត្រីក្រោមឱវាទក្រសួង និងមន្ត្រីបច្ចេកទេសមួយចំនួន បានអញ្ចើញចុះពិនិត្យតំបន់រាំងស្ងួត នៅបណ្ដាឃុំមួយចំនួន និងសំណេះសំណាលជាមួយកសិករ នៅភូមិខ្នារធំ ឃុំពារាម ស្រុកបាទី កាលពីថ្ងៃ១៤ ខែសីហា។
មន្ត្រីក្រសួងកសិកម្ម បាននិយាយឱ្យដឹងថា កាលពីព្រឹកថ្ងៃទី២២ ខែសីហា ឆ្នាំ២០១០ គណៈប្រតិភូ ក្រសួងកសិកម្ម រុក្ខាប្រមាញ់ និងនេសាទ ដឹកនាំដោយ ឯកឧត្តមបណ្ឌិត ច័ន្ទ សារុន រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ អមដំណើរដោយ អស់លោកទីប្រឹក្សាក្រសួងកសិកម្ម ថ្នាក់ដឹកនាំអង្គភាព នាយកដ្ឋានពាក់ព័ន្ធ និងមន្ត្រីបច្ចេកទេសមួយចំនួន បានអញ្ជើញចុះពិនិត្យមើល ស្ថានភាពរាំងស្ងួត និងសំណេះសំណាល ជាមួយប្រជាកសិករចំនួន១០០គ្រួសារ នៅភូមិពាមអម្ពិល ឃុំរាប ស្រុកពារាំង ខេត្តព្រៃវែង។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអំពាវនាវ ដល់កសិករឱ្យពិចារណា និងរួតរាស់បង្វែរដីធ្វើស្រែមួយចំនួន ទៅជាការដាំដំណាំបន្លែជំនួសវិញ ខណៈ ដែលតំបន់ខ្លះទឹកភ្លៀងមិនអំណោយផល។
កាលពីរសៀលថ្ងៃទី១៦ ខែសីហា ឆ្នាំ២០១០ ឯកឧត្តម ច័ន្ទ សារុន រដ្ឋមន្ត្រីក្រសួង កសិកម្ម រុក្ខប្រមាញ់ និងនេសាទ អមដំណើរដោយលោកជាទីប្រឺក្សាក្រសួងកសិកម្ម អគ្គនា យកដ្ឋាន កសិកម្ម ថា្នក់ដឹកនាំអង្គភាព នាយកដ្ឋានពាក់ព័ន្ធ និងមន្ត្រីបច្ចេកទេសមួយចំនួន បានអញ្ជីញចុះដល់វាលស្រែ របស់កសិករ ដែលទទួលនូវភាពរាំងស្ងួត ដើម្បីមើលពីស្ថានភាពសំណាបរងចាំទឹកភ្លៀង និងសំណេះសំណាល ជាមួយកសិករ១២០គ្រួសារ នៅភូមិត្រពាំងទន្ទឹម ឃុំពោធិចំរើន ស្រុកបរសេដ្ឋ ខេត្តកំពង់ស្ពឺ។
