ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានប្រាប់ទៅកសិករដាំដំឡូងនៅស្រុកស្វាយចេក អំពីអ្វីដែលគួរធ្វើនៅមុនពេលសម្រេចចិត្ដ។
កាលពីចុងសប្ដាហ៏កន្លងទៅនេះ ឯកឧត្តមបណ្ឌិតច័ន្ទ សារុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញចុះទៅពិនិត្យ ការងារកសិឧស្សាហកម្ម (ដំឡូងមី និងពោត) និងជួបសំណេះសំណាល ជាមួយកម្មករ ចំនួន១០០នាក់ នៅឃុំស្លក្រាម ស្រុកស្វាយចេក។
បន្ទាប់ពីបាន ស្ដាប់របាយការណ៏របស់លោក ប្រធានមន្ទីរកសិកម្មខេត្ដ លោករដ្ឋមន្ដ្រី បានឱ្យនាយកដ្ឋានកសិឧស្សាហកម្ម (អគ្គនាយកដ្ឋានកសិកម្ម) នាយកដ្ឋានកសិ-ឧស្សាហកម្ម និងនាយកដ្ឋានផែនការធ្វើការសិក្សាឡើងវិញនឹងទិដ្ឋភាពសេដ្ឋកិច្ចបរិស្ថាន និងសង្គមដែរ ឬមួយយ៉ាងណា?
ឯកឧត្តមរដ្ឋមន្ដ្រីដោយចង់សំដៅទៅលើគុណភាពដីនោះ ឯកឧត្តមបានផ្ដល់ជាយោបល់ថា ប៉ុន្ដែជួនកាលយើងជ្រើសរើសដំណាំមិនសមស្របយកទៅដាំលើដីនោះ ផលដែលទទួល បានមិនស្មើនឹងការចំណាយ ហើយបន្ទាប់មកគុណភាពដីត្រូបំផ្លាញ។ ដូច្នេះសូមឱ្យគិតគូរឱ្យបានច្បាស់ មុននឹងយកដំណាំទៅដាំលើដីណាមួយ។
ឯកឧត្តមរដ្ឋមន្ដ្រី បានណែនាំឱ្យនាយកដ្ឋានត្រូវជំរុញការងាររៀបចំសេចក្ដីព្រាងអនុក្រឹត្យ ស្ដីពីកសិកម្មតាមកិច្ចសន្យាឱ្យបានឆាប់។ ជំរុញឱ្យវិទ្យាស្ថានស្រាវជ្រាវ និងអភិវឌ្ឍន៏កសិកម្មកម្ពុជា ត្រូវជំរុញការងារស្រាវជ្រាវពូជស្រូវ និងពូជដំណាំណាមួយឱ្យសមស្របទៅនឹងការប្រែប្រួលធាតុអាកាសរបស់ពិភពលោក។
ឯកឧត្តមរដ្ឋមន្ដ្រីបានបន្ដថា អ្វីដែលលោកចង់ឃើញ គឺកសិករអ្នកដាំដំណាំកដិ-ឧស្សាហកម្មទទួលបានផលពីអ្វីដែលខ្លួនធ្វើព្រមទាំងនិរន្ដរភាពនៃគុណភាពដីផងដែរ៕