ឯកឧត្តមបណ្ឌិត ច័ន្ទ សារុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានស្នើដល់មន្ដ្រីរដ្ឋបាលព្រៃឈើកំពត ឱ្យដាំកូនឈើអមប្រឡាយដែលទើបសម្ពោធថ្មី នៅថ្ងៃទី៩ ខែកក្កដាខាងមុខនេះ ដើម្បីជាការចូលរួមក្នុងរុក្ខទិវាផងដែរ។
ក្នុងឱកាសអញ្ជើញចូលរួម សម្ពោធប្រឡាយទឹក២ខ្សែ និងពិនិត្យស្រូវដើមរដូវ និងដំណាំរួមផ្សំ និងជួបជាមួយប្រជាកសិករចំនួន ១២០គ្រួសារ (ពេទ្យសត្វភូមិចំនួន៣០គ្រួសារ) នៅភូមិសង្កែបង្វែរ ឃុំភ្នំកុង ស្រុកអង្គរជ័យ កាលពីថ្ងៃទី១ ខែកក្កដា កន្លងទៅនេះ ឯកឧត្តមរដ្ឋមន្ដ្រីក្រសួងកសិកម្ម បានមានប្រសាសន៏ជំរុញឱ្យ ខណ្ឌរដ្ឋបាលព្រៃឈើកំពត រៀបចំប្រារព្វពិធីដាំកូនឈើ នៅអមសងខាងតាមប្រឡាយទាំង២ខ្សែ ដែលទើបសម្ពោធនេះ នៅថ្ងៃទី០៩កក្កដា ដែលជាថ្ងៃរុក្ខទិវាផងដែរ។ លោកក៏បានអំពាវនាវដល់ឱ្យប្រជាកសិករ ចូលរួមដាំដើមឈើ និងថែរក្សាទាំងអស់គ្នាដើម្បីជាម្លប់ និងការការពារហូរច្រោះដី។
ឯកឧត្តមបានពន្យល់អំពីអត្ថប្រយោជន៏នៃប្រៃឈើ និងរំលឹកឱ្យគ្រប់គ្រួសារយកចិត្ដទុកដាក់ចំពោះព្រៃឈើ ការពារពញព្រៃឈើ និងមានចលនាដាំដើមឈើក្នុងមូលដ្ឋានរបស់ខ្លួនឬទីកន្លែងដែលទំនេរ។
ទាក់ទិននឹងការបង្កបង្កើនផលឯកឧត្តមរដ្ឋមន្ដ្រី បានអំពាវនាវឱ្យប្រជាកសិករយកចិត្ដទុកដាក់ ក្នុងការប្រើប្រាស់ពូជស្រូវដែលសុទ្ធល្អ ប្រើពូជស្រូវស្រាលឬស្រូវកណ្ដាល។ ពិសេសកសិករត្រូវតែប្ដូរទស្សនៈ ពីការធ្វើស្រែដើម្បីសបម្រាប់ហូបក្នុងគ្រួសារ ឱ្យទៅជាការធ្វើស្រែដើម្បីលក់ដូរ។
គឺការធ្វើ់បែបនេះទើបអាចធ្វើចំណូលគញរួសារកើនឡើង។ ដោយឡែកមន្ទីរកសិកម្មការិយាល័យកសិកម្មស្រុក ជំរុញឱ្យប្រជាកសិករធ្វើស្រូវដើមរដូវ ហើយត្រូវកែប្រែតំបន់នេះឱ្យទៅជាតំបន់បៃតង។
ឯកឧត្តមបានប្រាប់កសិករទៀតថា ត្រូវប្ដូរទម្លាប់ពីការធ្វើស្រែតែម្ដងមកធ្វើ២ដងក្នុងមួយរដូវ តាមរយៈនៃការប្ដូរពូជ(ដើមរដូវ ពាក់កណ្ដាលរដូវ) និងនៅចុងរដូវគួរដាំដាំដំណាំនិងធ្វើចម្ការ ។ត្រូវចេះសន្សំជីធម្មជាតិដែលមាននៅជុំវិញខ្លួន ដូចជាសំរាមកាកសំណល់ផ្ទះបាយ ស្លឹកសង្កែ លាមកសត្វ។ល។
ឯកឧត្តមក៏បានសូមលោក នូ មុត រៀបចំឱ្យមានការប្រកួតប្រជែងក្នុងនាទីវេទិកាស្វែងយល់ពីកសិកម្មរវាងភ្នាក់ងារសុខភាពសត្វភូមិនៅស្រុកអង្គរជ័យ និងស្រុកត្រាំកក់ដើម្បីបានផ្លាស់ប្ដូរបទពិសោធន៏គ្នាទៅវិញទៅមក។
ដោយឡែកភ្នាក់ងារសុខភាព សត្វភូមិត្រូចវក្ដាប់ស្ថិតិសត្វចំនួនកសិដ្ឋានចិញ្ចឹមសត្វ និងការចរាចរសត្វក្នុងភូមិឱ្យបាន។ ការិយាល័យផលិតកម្មនិងបសុព្យាបាលខេត្ដ ធ្វើការផ្សព្វផ្សាយនិងណែនាំកសិករឱ្យចិញ្ចឹមសត្វដាកទ្រុង៕