លោកគ្រួអ្នកគ្រូនៅអនុវិឡាល័យ និងបឋបសិក្សាក្នុងកំរងត្នោតជុំ ឃុំអូរសារាយ ស្រុក ត្រាំកក់ដែលមានប្រមាណជាង80នាក់បានចូលរួមក្នុងសិក្ខាសាលា និងវគ្គបំប៉នមួយ ក្រោមការគាំទ្ររបស់ ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងមន្ត្រីក្រុមការងារគណបក្សប្រជាជនកម្ពុជា។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម ដែលបានបង្ហាញវត្តមាននៅក្នុងពិធីបិទសិក្ខាសាលាកាលពីពេល ថ្មីៗនេះបានមានប្រសាសន៌ថា អ្វីដែលរៀបចំឡើងនេះគឺក្នុងគោលបំណងដើម្បីពិន្យិតឡើង វិញនូវគុណភាពសិក្សារបស់សិស្ស និងគ្រូ ហើយឈានទៅធ្វើការកែសម្អការបំប៉នដល់ សិស្សដើម្បីធ្វើឱ្យសិស្សកាន់តែមានគុណភាព និងគ្រូកាន់តែមានសមត្ថភាពលោកគ្រូ អ្នកគ្រូនៅជនបទក៏ដូចជាទីក្រុងដែរ។
តាមរយះកាលលើកឡើងរបស់លោក ហ៊ុន សាវ៉ន ប្រធានកំរងត្នោតជុំបានឱ្យដឹងថា កំរងត្នោតជុំមាន ឃុំ2ចំនួន គឺឃុំអូរសារាយ និងឃុំ ត្រពាំងក្រញូងដែលមានវិឡាល័យចំនួន1 អនុវិឡាល័យចំនួន1 និងបឋមសិក្សាចំនួន7 សាលានិងមានសិស្សសរុប 4260នាក់ និងលោកគ្រូ អ្នកគ្រូ 64នាក់។ អ្វីដែលជាបញ្ហាទី នោះគឺកង្វះធនធានមនុស្សគ្រូតិច តែសិស្សច្រើន។គ្រូនៅក្នុងមូលដ្ឋានមានចំនួនត្រឹម 30 ចំណែក 34នាក់ទៀតជាគ្រូ មានទីលំនៅនៅក្រៅឃុំ ក្នុងស្រុក និងក្រៅស្រុក ក្នុងខេត្ត។ ប្រការនេះធ្វើអោយមានការផ្លាស់ចេញជាញឹកញាប់ និងការចូលថ្មីផងដែរ។ ឯកឧត្តមរដ្ឋមន្ត្រី មានប្រសាសន៌ក្នុងឱកាសនោះថា នេះជាបញ្ហាដែលគ្រប់គ្នាប្រឈម ហើយមិនមែនតែនៅទីនេះទេនៅកន្លែងដទៃទៀតក៏ដូចគ្នានេះដែរ។
ប្រការនេះដែលត្រូវខិតខំ បណ្តុះបណ្តាលអោយធនធានមនុស្សផ្ទាល់នៅមូលដ្ឋាន។ ឯកឧត្តមរដ្ឋមន្ត្រីបន្តថា គោលបំណង របស់យើងគឺការអប់រំ ដើម្បីបម្រើឱ្យការអភិវឌ្ឍន៍។ ឯកឧត្តមរដ្ឋមន្ត្រី បានអំពាវនាវទៅកាន់ លោកគ្រូ អ្នកគ្រូមានការអត់ធ្មត់ និងយោគយល់ចំពោះស្ថានភាពនេះ ដោយត្រូវរួមគ្នាចែករំលែក នូវការលំបាកនេះ។
ឯកឧត្តមរដ្ឋមន្ត្រីបន្តថា ថ្វីត្បិតយើងមានការលំបាក តែយើងកំពុងតែឈាន ឡើងជាបន្តបន្ទាប់ ដោយលើកទឹកចិត្ត សុំឱ្យលោកគ្រូ អ្នកគ្រូស្រលាញ់សិស្សដោយស្នើៗគ្នា និងខិតខំរៀនសូត្របន្ថែមទៀត ពីព្រោះយុគនេះមានការវិត្តលឿនណាស់ លើផ្នែកចំពោះចំណេះដឹង ដែលចាំបាច់ត្រូវរៀនហើយរៀនទៀតទើបកាន់តែមានសមត្ថភាព។ ឯកឧត្តមរដ្ឋមន្ត្រី នាយកសាលានីមួយៗជាដង្ហើមរស់របស់សាលានីមួយ៕