ព័ត៌មានផ្សេងៗទៀត
កម្ពុជាអាចសហប្រតិបត្តិការគ្នាក្នុងវិស័យគ្រឿងយន្តកសិកម្មជាមួយសាធារណរដ្ឋបេឡារុស
ចេញផ្សាយ ២២ មករា ២០១៨ 4731
ឯកឧត្តមរដ្ឋមន្ត្រីបានឲដឹងថាកម្ពុជា អាចធ្វើប្រតិបត្តិការជាមួយសាធារណរដ្ឋបេឡារូស (Republic of Belarus) លើវិស័យគ្រឿងយន្តកសិកម្ម ការបណ្តុះបណ្តាលក្នុងផ្នែកគ្រឿងយន្តកសិកម្មកែច្នៃឈើ និងការអភិវឌ្ឍន៍ធនធានមនុស្ស។ ឯកឧត្តមបានអះអាងថា មូលហេតុដែលយើងអាចធ្វើសហប្រតិបត្តិការគ្នាបាន គឺដោយសារប្រទេសបេឡារូស ជាប្រទេសមួយល្បីល្បាញខាងផលិតគ្រឿងយន្តកសិកម្ម និងមានលក្ខណៈស្រដៀងគ្នាជាមួយប្រទេសកម្ពុជាផ្នែកព្រៃឈើ។
ឯកឧត្តមបណ្ឌិត ចន្ទ័ សារុន រដ្ឋមន្ត្រីក្រសួងកសិកម្ម រុកា្ខប្រមាញ់ និងនេសាទ បានមានប្រសាសន៍ ក្នុងឱកាសជួបពិភាក្សាការងារជាមួយលោក វ៉ាលីរី សាដូខូ ( Valery Sadokho) ឯកអគ្គរដ្ឋទូតសាធារណរដ្ឋបេឡារូស កាលពីព្រឹកថ្ងៃទី៧ ខែកក្កដាថា ក្រៅពីការសហប្រតិបត្តិការលើវិស័យទាំងអស់ខាងលើនេះ គឺយើងអាចពិភាក្សាគ្នាផងដែរ ពីផលិតកម្មសិកម្ម និងបសុព្យាបាល ដោយសារប្រទេសបេឡារូសផលិតកម្មកសិកម្ម សំខាន់បំផុតនោះ គឺការផលិតទឹកដោះគោ។
ក្រៅពីការលើកឡើង នូវសក្តានុពល នៃកិច្ចសហការគ្នា ឯកឧត្តមបណ្ឌិត ចន្ទ័ សារុនបានជម្រាប ជូនឯកអគ្គរាជទូត ពីការរីកចម្រើននៃវិស័យកសិកម្មកម្ពុជា និងការកើនឡើងរបស់ប្រជាកសិករកម្ពុជា ក្នុងការប្រើប្រាស់គ្រឿងយន្តកសិកម្ម។ឯកឧត្តម បានមានប្រសាសន៍បច្ចុប្បន្ននេះ និន្នាការនែការប្រើប្រាស់គ្រឿងយន្តកសិកម្មរបស់ប្រជាកសិករកម្ពុជា មានការកើនឡើង ដោយគ្រឿងយន្តកសិកម្ម ចំនួន៦០០០គ្រឿង និងគោយន្ត១០ម៉ឺនគ្រឿង។
ជាមួយគ្នានេះនោះយើងមានអ្នកជំនាញគ្រឿងយន្តកសិកម្មជាច្រើនរុបមក ពីអតីតសហភាពសួវៀត ហើយក៏មានជំនាញមួយចំនួនផង ដែរមកពីទីក្រុងមីននៃការសាធារណរដ្ឋបេឡារូស។ ជាមួយនឹងការសម្តែង នូវការរីករាយ ដែលបានបំពេញបេសកម្ម នៅកម្ពុជានោះ លោកវ៉ាលីរី សាដូខូ បានជម្រាបជូនឯកឧត្តមរដ្ឋមន្ត្រីថា សាធារណរដ្ឋបេឡារុស គឺពឹងផ្អែកទៅលើវិស័យកសិកម្ម ក្នុងនោះមានដូចជាការផលិតកម្មបសុព្យាបាល មានដូចជាការផលិតម្សៅទឹកដោះគោ ដែលអាចផលិតម្សៅទឹកដោះគោដែលក្នុង១ឆ្នាំផលិតផលពីទឹកដោះគោមានចំនួន១ពាន់លានដុលា្លរ នាំទៅកាន់ប្រទេសរុស្សី។
ក្រៅពីនោះគឺផលិតផលគ្រឿងយន្តកសិកម្ម ជាពិសេសត្រាក់ទ័រ ដែលមានតំម្លៃសមរម្យ ហើយងាយប្រើប្រាស់ មានភាពល្បីល្បាញក្នុងតំបន់ដូចជារៀតណាម ឡាវនិងកម្ពុជា។ លោកបានលើកឡើងពីសេចក្តីត្រូវការរបស់ប្រទេសមួយនេះផងដែរ គឺត្រីសមុទ្រ ផ្លែឈើ និងកៅស៊ូផងដែរ។
គួររំលឹកថា នៅចុងខែវិច្ឆិការ និងដើមខែធ្នូឆ្នាំ២០១១ខាងមុខនេះ ទូតបេឡារូស និងរៀបចំពិព័រណ៍ពាណិជ្ជកម្មមួយ នៅទីក្រុងហូជីមិញប្រទេសវៀណាម។ គោលបំណងដែលលោកវ៉ាលីរីសាដូខូមកជួបឯកឧត្តមបណ្ឌិត ចន្ទ័ សារុន ក្រៅពីការសិក្សាការងារនេះ គឺមានបំណងអញ្ជើញឯកឧត្តមរដ្ឋមន្ត្រី និងមន្ត្រីជំនាញ ឲចូលរួមនៅក្នុងពិពរណ័នោះ និងពិភាក្សាការងារទាក់ទង ទៅនឹងសហប្រតិបត្តិការ លើវិស័យគ្រឿងយន្តកសិកម្ម ការបណ្តុះបណ្តាលក្នុងផ្នែក គ្រឿងយន្តកសិកម្ម កែច្នៃឈើ និងការអភិវឌ្ឍន៍ធនធានមនុស្ស រវាងប្រទេសទាំងពីរ ហើយនិងការជជែកអំពីការចុះអនុស្សរណៈ(MOU)សម្រាប់កិច្ចសហប្រតិបត្តិការក្នុងវិស័យកសិកម្មជាមួយគ្នា។
