ព័ត៌មានផ្សេងៗទៀត
រដ្ឋមន្ត្រីទៅពិនិត្យបនែ្លអាយភីអ៊ឺមនៅឃុំតាម៉ឺន
ចេញផ្សាយ ២២ មករា ២០១៨ 4243
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកទឹកចិត្តដល់សហគមន៍ ផលិតបនែ្លអាយភីអ៊ឹម (IPM) ឲបន្តការខឹតខំតទៅទៀតជាមួយការពង្រីកបនែ្ថមសមាជិករបស់ខ្លួន។
ឯកឧត្តមរដ្ឋមន្រី្តកសិកម្ម បានអញ្ជើញទៅពិនិត្យមើលប្រព័ន្ធស្រោចស្រព នៅអាងកំពីងពួយ ក្នុងឃុំតាគ្រាម ស្រុកបាណន់ និងទៅពិនិត្យមើលសកម្មភាពរបស់សហគមន៍ផលិតបនែ្ល ក្រោមការផ្សព្វផ្សាយរបស់អាយភីអឹម នៅឃុំតាម៉ឺន ស្រុកថ្មគោល។
ការផលិតបនែ្ល ដោយមិនមានប្រើជីគីមី និងថ្នាំពុលកសិកម្ម ដែលកម្មវិធីនេះត្រូវបានផ្សព្វផ្សាយតាំងពីឆ្នាំ២០០។ ក្រោយមានការផ្សព្វផ្សាយអាយភីអ៊ឹម ក៏បានរៀបចំបានជាក្លឹប និងឈានមកដល់ការបង្កើតបានជាសហគមន៍ផលិតបនែ្លនេះឡើង។ ក្នុងសហគមន៍នេះមានក្លឹបចំនួន២ ។ តាមរយៈការអនុវត្តន៍អាយភីអ៊ឹម គឺបានជំនួសការប្រើថ្នាំពុលកសិកម្មនិងជីគីមីលើបន្លែ។
ខណៈនៃការជួបជាមួយ កសិករជាសមាជិកសហគមន៍ ឯកឧត្តមរដ្ឋមន្ត្រី បានសមែ្តការកោតសរសើរ ចំពោះស្មារតីរបស់កសិករ ដែលទទួលយកបាននូវចំណេះដឹងថ្មី និងសាមគ្គីគ្នា រៀបចំបានជាសហគមន៍ ផលិតបន្លែនេះឡើង។ ឯកឧត្តមបានជំរុញឲបន្តពង្រីក សមាជិកបន្ថែមទៀត និងធ្វើយ៉ាងណាឲសហគមន៍មានកំលាំងកាន់តែខ្លាំងៗ ដើម្បីឈានទៅពង្រីកទីផ្សាររបស់ខ្លួន។
នៅពេលជួបជាមួយឯកឧត្តមរដ្ឋមន្ត្រី កសិករផលិតបនែ្លទាំងនោះ បានសម្តែងការព្រួយបារម្ភចំពោះទីផ្សារបនែ្លរបស់ខ្លួន។ ប៉ុនែ្តឯកឧត្តមរដ្ឋមន្ត្រី បានលើកទឹកចិត្តទៅវិញថា បនែ្លអាយភីអ៊ឹមគឺមិនខ្វះទីផ្សារទេ ដោយឯកឧត្តមណែនាំឲផលិតបន្លែឲបានច្រើនមុខ និងមានចំនួនច្រើន ដើម្បីទាក់ទាញទីផ្សារ។ ជាមួយនេះនៅក្នុងសហគមន៍ក៏គួរមានទីកន្លែងដាក់លក់បនែ្លរបស់ខ្លួនផងដែរ។
ឯកឧត្តមរដ្ឋមន្ត្រី ក៏បានពន្យល់ដល់កសិករអំពីគុណវិបត្តិនៃការប្រើប្រាស់ជីគីមី និងថ្នាំពុលកសិកម្ម ដែលមិនត្រឹមតែធ្វើឲខាតបង់ថវិកាប៉ុណ្ណោះទេ តែក៏ប៉ះពាល់ដល់សុខភាពផងដែរ។
មន្ត្រីដដែលបានឲដឹងទៀតថា ខណៈជួបកសិករនៅទីនោះឯកឧត្តមរដ្ឋមន្ត្រី បានជូនថវិកាដល់ក្លឹបទាំងពីរសហគមន៍ ដែលក្នុងក្លឹបនីមួយៗទទួលបានប្រាក់ចំនួន ២លានរៀល ដើម្បីប្រើប្រាស់ដំណើរការសហគមន៍៕
