ក្រុមការងារការិយាល័យផែនការយុទ្ធសាស្រ្តឌីជីថល បានផ្តល់វគ្គបណ្តុះបណ្តាលស្តីពី “ឌីជីថលចាំបាច់” ជូនដល់មន្ត្រី មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ

ចេញ​ផ្សាយ​ ១៤ មីនា ២០២៥ 7158

នៅថ្ងៃទី១០ ខែមីនា ឆ្នាំ២០២៥ ក្រុមការងារការិយាល័យផែនការយុទ្ធសាស្រ្តឌីជីថល នៃមជ្ឈមណ្ឌលព័ត៌មាន និងឯកសារកសិកម្មបានផ្តល់វគ្គបណ្តុះបណ្តាលស្តីពី "ឌីជីថលចាំបាច់" ជូនមន្ត្រីមន្ទីរកសិកម្ម រុក្ខាប្រមាញ់ និងនេសាទ ខេត្តបន្ទាយមានជ័យ ដែលមានសមាសភាពចូលរួមសរុបចំនួន ២៤នាក់។

វគ្គបណ្តុះបណ្តាលនេះបានផ្តោតទៅលើប្រធានបទសំខាន់ៗមួយចំនួនដូច៖ ១.ការប្រើប្រាស់កម្មវិធីរុករក (Web Browser) និងម៉ាស៊ីនស្វែងរក (Search Engine) ២. ការបង្កើត និងគ្រប់គ្រង Google Account  និងការការពារសុវត្ថិភាពគណនីតាមរយៈការបើកមុខងារផ្ទៀងផ្ទាត់២ដំណាក់កាល(2-step verification) ៣.របៀបប្រើប្រាស់ Google Drive and Google Photos នៅលើកុំព្យូទ័រនិងទូរស័ព្ទដៃ ឬថេប្លេត និងមុខងារផ្សេងៗទៀតរបស់ Google ដូចជាមុខងារ ស្កេន និង Covert ឯកសារពី PDF ទៅ Word ឯកសារពីរូបភាពទៅអត្ថបទ និងកម្មវិធីAI  Gemini របស់ Google ៤.គន្លឹះក្នុងការប្រើប្រាស់មុខងារ និងឧបករណ៍សំខាន់ៗក្នុងកម្មវិធី Ms. Word ដើម្បីសម្រួល និងពន្លឿនការងាររដ្ឋបាលទូទៅ និង ៥. ការយល់ដឹងពីហានិភ័យកើតមានឡើងតាមបណ្តាញអនឡាញ និងវិធីសាស្រ្តការពារ។

ក្នុងឱកាសនោះ សិក្ខាកាមទាំងអស់មានការពេញចិត្តជាខ្លាំង និងសម្តែងការចាប់អារម្មណ៍លើប្រធានបទដែលបានផ្តល់ជូនសម្រាប់ប្រើប្រាស់ក្នុងការងារប្រចាំថ្ងៃរបស់ពួកគាត់ ហើយពួកគាត់បានចូលរួមយ៉ាងសកម្មក្នុងការអនុវត្ត ជជែកពិភាក្សា និងលើកជាសំនួរភ្លាមៗមកកាន់គ្រូបង្គោល។ លើសពីនេះ សិក្ខាកាមទាំងអស់បានថ្លែងអំណរគុណដល់ក្រុមការងារការិយាល័យផែនការយុទ្ធសាស្រ្តឌីជីថលដែលបានរៀបចំវគ្គបណ្តុះបណ្តាលនេះសម្រាប់ពួកគាត់ហើយបានសំណូមពរឱ្យមានវគ្គបណ្តុះបណ្តាលលើប្រធានបទផ្សេងៗទៀតដែលជួយសម្រួលដល់ការងាររបស់មន្ទីរផងដែរ។

ជាទីបញ្ចប់ ក្រុមការងារការិយាល័យផែនការយុទ្ធសាស្រ្ត នៃមជ្ឈមណ្ឌលព័ត៌មាន និងឯកសារកសិកម្ម បានស្នើសុំឱ្យមន្ត្រីទាំងអស់នាំយកចំណេះដឹងដែលទទួលបានទៅចែកចាយបន្តទៅដល់ក្រុមការងារតាមការិយាល័យរបស់ខ្លួន ដើម្បីជួយឱ្យពួកគាត់អាចប្រើប្រាស់នូវមុខងារនិងគន្លឹះសំខាន់ៗដែលបានផ្តល់ជូនដើម្បីបង្កើនប្រសិទ្ធភាពការងារតាមការិយាល័យរបស់ខ្លួនក៏ដូចជាការងាររបស់មន្ទីរទាំងមូលផងដែរ៕