ព័ត៌មានផ្សេងៗទៀត
ក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ អញ្ជើញយកស្បៀង ចែកជូនជនភៀសសឹកបានគ្រប់គ្រាន់ និងគ្រប់ទីកន្លែង នៅក្នុងខេត្តបន្ទាយមានជ័យ
ចេញផ្សាយ ២៧ កក្កដា ២០២៥ 267
ក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ដឹកនាំដោយឯកឧត្តមរដ្ឋមន្ត្រី ឌិត ទីណា បានអញ្ជើញនាំយកស្បៀងចែកជូនដល់ជនភៀសសឹកបានគ្រប់គ្រាន់ និងគ្រប់ទីកន្លែង នៅក្នុងខេត្តបន្ទាយមានជ័យ បន្ទាប់ពីឯកឧត្តមរដ្ឋមន្ត្រី និងសប្បុរសជន បន្តចុះសួរសុខទុក្ខ និងចែកអំណោយ អស់រយៈពេលមួយសប្តាហ៍ជាប់គ្នា។
ជនភៀសសឹកដែលទទួលបានអំណោយ មានចំនួន៥ស្រុក រួមមាន ស្រុកថ្មពួក ស្រុកស្វាយចេក ស្រុកអូរជ្រៅ ស្រុកភ្នំស្រុក និងស្រុកព្រះនេត្រព្រះ។ ជាមួយគ្នានេះ ក្រុមការងាររាជរដ្ឋាភិបាល ក៏នៅសេសសល់ស្បៀងជាច្រើនទៀត សម្រាប់ត្រៀមចែកជូនជនភៀសសឹកផងដែរ។ ទន្ទឹមនឹងនេះ ឯកឧត្តមរដ្ឋមន្ត្រី ក៏បានថ្លែងអំណរគុណដល់សប្បុរសជននៅក្នុងខេត្តបាត់ដំបង ដែលបានជួយផ្តល់ស្បៀង ជូនជនភៀសសឹកជាបន្តបន្ទាប់។
សូមជម្រាបថា ជនភៀសសឹកដែលដែលជម្លៀសមកទីទួលសុវត្ថិភាព ដោយសារតែកងទ័ពថៃ បានបើកការវាយប្រហារយ៉ាងខ្លាំងក្លា មកលើកម្ពុជាមុន នៅតាមខ្សែបន្ទាត់ព្រំដែនចាប់តាំងពីភូមិសាស្ត្រ ប្រាសាទតាមាន់ធំ ប្រាសាទតាក្របី តំបន់ភ្នំទ្រព្យ តំបន់វាលឥន្ទ្រី តំបន់តាថាវ តំបន់ភ្នំខ្មោច តំបន់អានសេះ អូការស្លែ និងតំបន់មុំបី។ ការផ្ទុះអាវុធដាក់គ្នាទ្រង់ទ្រាយធំរវាងកងទ័ពកម្ពុជា-ថៃនាពេលនេះ គឺកើតមានក្រោយភាគីថៃបានព្យាយាមបិទ មិនឱ្យភាគីកម្ពុជាឡើងទៅប្រាសាទតាមាន់ធំ៕
