ព័ត៌មានផ្សេងៗទៀត
មន្ត្រីព្រៃឈើចំនួន១៦រូបត្រូវបានផ្ទេរសម្រួលភារកិច្ច និងតែងតាំង
ចេញផ្សាយ ២២ មករា ២០១៨ 3759
មន្ត្រីរដ្ឋបាលព្រៃឈើ ចំនួន១៦រូបសម្រាប់ថ្នាក់ការិយាល័យ ថ្នាក់អធិការដ្ឋានរដ្ឋបាលព្រៃឈើ និងថ្នាក់រដ្ឋបាលព្រៃឈើ ត្រូវបានផ្ទេរសម្រួលភារកិច្ច និងតែងតាំងកាលពីថ្ងៃទី២៨ ខែមករា នាទីស្តីការរដ្ឋបាលព្រៃឈើ ក្រោមការចូលរួមរបស់ ឯកឧត្តម ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។
ថ្លែងទៅកាន់មន្ត្រីនៃក្រសួងកសិកម្ម ពិសេសមន្ត្រីរដ្ឋបាលព្រៃឈើ ដែលចូលរួមក្នុងពិធីនេះ ឯកឧត្តមរដ្ឋមន្ត្រី បានធ្វើការកោតសរសើរ ចំពោះការប្រឹងប្រែង របស់មន្ត្រីរដ្ឋបាលព្រៃឈើ ដែលបានចូលរួម ក្នុងការទប់ស្តាត់បង្ក្រាបដល់បទល្មើសព្រៃឈើ រហូតមន្ត្រីខ្លះគ្រោះថ្នាក់ដល់ជីវិត រងការប្រមាថ រងការគាបសង្កត់គ្រប់បែបយ៉ាង ហើយបើទោះបីរដ្ឋយើងខ្វះខាតថវិកា សម្រាប់បម្រើការងារទប់ស្កាត់ និងបង្ក្រាបយ៉ាងណាក៏ដោយ នៅតែបានបំពេញភារកិច្ចយ៉ាងសកម្ម មិនខ្លាចនឿយហត់។ ឯកឧត្តមរដ្ឋមន្ត្រី បានបន្តទៀតថា ក្រសួងបានដឹងពីការលំបាកទាំងនេះ ប៉ុន្តែការខ្វះក៏តែងតែមានដោយចៀសមិនផុតចំពោះមន្ត្រីអ្នកអនុវត្តការងារ ។
ឯកឧត្តមរដ្ឋមន្ត្រី បានលើកទឹកចិត្តផងដែរថា ទោះជាដូចនេះលើកទឹកចិត្តផងដែរថា ទោះជាដូចនេះក្តី សូមកុំអស់សង្ឃឹម កុំបាក់ទឹកចិត្តតែត្រូវខិតខំបំពេញការងារបន្តទៀត។ អ្វីដែលជាចំណុចខ្វះខាត ត្រូវកែលម្អ ហើយអនុវត្តឲ្យបានល្អជូនរដ្ឋបាលព្រៃឈើ និងក្រសួង។ ក្រសួងក៏ដូចជារដ្ឋបាលព្រៃឈើ តែងយល់ច្បាស់ពិការលំបាក ជាសត្យានុម័តរបស់មន្ត្រីព្រៃឈើ។ ក្រសួងក្តី រដ្ឋបាលព្រៃឈើ នឹងខិតខំគ្រប់រូបភាព ដើម្បីរកមធ្យោបាយដោះស្រាយជូនមន្ត្រីរបស់យើង ដើម្បីបំពេញការងារតាមភារកិច្ចស្នូលរបស់ខ្លួន ។
ឯកឧត្តមរដ្ឋមន្ត្រី ក៏បានពន្យល់មន្ត្រីទាំងនោះផងដែរ អំពីស្ថានភាពថ្មី សម្រាប់ការបំពេញការងារ ដែលមិនងាប់ក្រឡា ទៅតាមសភាពការណ៍ខាងក្នុង និងក្រៅ។ ដោយឡែកឯកឧត្តម បានបញ្ជាក់ថា ការងារដែលអាចសម្រេចជោគជ័យទៅបាន ចាំបាច់ត្រូវតែបន្តកិច្ចសហការ ជាមួយអាជ្ញាធរដែនដីខេត្ត មូលដ្ឋានគ្រប់លំដាប់ថ្នាក់ កងកម្លាំងប្រដាប់អាវុធតុលាការ ជាប្រការចាំបាច់ មិនអាចខ្វះបាន។ ពោលផ្ទៃក្នុងរឹងមាំ ជាកត្តាកំណត់ជោគជ័យក្នុងដំណាក់បច្ចុប្បន្ន។ ការប្រែប្រួល និងការកែលម្អទាន់សភាពការណ៏ ក៏ជាកត្តាកំណត់ជោគជ័យផងដែរ។
សំដៅរកមន្ត្រីខណ្ឌរដ្ឋបាលព្រៃឈើ ឯកឧត្តមរដ្ឋមន្ត្រី បានរំលឹកឲ្យយកចិត្តដាក់ស្វែងរកដៃគូ ដើម្បីគ្រប់គ្រងសហគមន៍ព្រៃឈើ និងជំរុញឲ្យដំណើរការល្អ។ ស្វែងរកដីរៀបចំជាសួនអាពាហ៍ពិពាហ៍ ស្របទៅតាមច្បាប់ព្រៃឈើ។ ពិនិត្យការបង្កើតសួនបណ្តុះកូនឈើ, ពិនិត្យដីសម្បទានសេដ្ឋកិច្ច និងសហការគាំពារឲ្យដំណើរការល្អ។ ជាមួយនេះ ក៏ពិនិត្យផងដែរការបោះបង្គោលព្រៃបម្រុងទុកអចិន្ត្រៃយ៍អភិរក្សពូជឈើកម្រ។
ដោយឡែក សម្រាប់រដ្ឋបាលព្រៃឈើ ថ្នាក់លើគិតពីការផ្តល់ញញួរដែក ទៅដល់ខណ្ឌឲ្យមានមួយឬពីរ។ កែលម្អរបៀបរបបការងារ ដើម្បីឲ្យថ្នាក់មូលដ្ឋានភ្ជាប់ជាមួយថ្នាក់លើ។ ថ្នាក់លើ ទទួលស្តាប់មតិយោបល់ ថ្នាក់ក្រោមផងដែរ។ សិក្សាពីការដឹកជញ្ជូនឈើពេលយប់ដើម្បីទប់ស្តាត់។
