តំណាងប្រជាកសិករនៅស្រុកចុងកាល់ ខេត្តឧត្តរមានជ័យ អរគុណដល់ក្រសួងកសិកម្ម និងស្ថាប័នពាក់ព័ន្ធ ដែលជួយអន្តរាគមន៍ផ្តល់ទឹកសង្រ្គោះស្រូវជូនកសិករនៅរដូវប្រាំងនេះ

ចេញ​ផ្សាយ​ ២៥ មករា ២០២៥ 2700

តំណាងប្រជាកសិករនៅក្នុងឃុំចុងកាល់ ស្រុកចុងកាល់ ខេត្តឧត្តរមានជ័យ បានឱ្យដឹងថា ប្រជាកសិករដែលធ្វើស្រែប្រាំងឆ្នាំនេះខ្វះទឹកប្រើប្រាស់ ដោយសារតែពួកគាត់ធ្វើស្រែច្រើនលើសគោលការណ៍ដែលក្រសួងបានកំណត់។ ទោះជាបែបនេះក្តី តំណាងកសិកររូបនោះ បានថ្លែងអំណរគុណដល់ ថ្នាក់ដឹកនាំនៅមន្ទីរកសិកម្ម រុក្ខាប្រមាញ់ និងនេសាទ ខេត្តឧត្តរមានជ័យ ដោយបានសហការជាមួយក្រសួងធនធានទឹក និងស្ថាប័នពាក់ព័ន្ធផ្សេងទៀត ចុះជួយអន្តរាគមន៍ជួយរកដំណោះស្រាយសង្គ្រោះស្រូវជូនប្រជាកសិករបានទាន់ពេលវេលា៕