ឯកឧត្តម ចាន់ ចេស្ដា រដ្ឋលេខាធិការ និងជាប្រធានគណៈកម្មាធិការ​ដឹកនាំគម្រោងខ្សែច្រវាក់ផលិតកម្មដោយភាតរៈបរិស្ថាន បានអញ្ជើញ​ជាអធិបតីក្នុងកិច្ចប្រជុំបូកសរុបលទ្ធផល ស្តីពីការចុះបេសកកម្មពិនិត្យវឌ្ឍនភាព​នៃការអនុវត្តគម្រោងជាមួយក្រុមការងារធនាគារអភិវឌ្ឍន៏អាស៊ី

ចេញ​ផ្សាយ​ ២៦ វិច្ឆិកា ២០២៥ 490

នារសៀលថ្ងៃទី២៦ ខែវិច្ឆិកា ឆ្នាំ២០២៥  ឯកឧត្តម ចាន់ ចេស្ដា រដ្ឋលេខាធិការ និងជាប្រធាន​គណៈកម្មាធិការដឹកនាំគម្រោងខ្សែច្រវាក់ផលិតកម្មដោយភាតរៈបរិស្ថាន បាន​អញ្ជើញជាអធិបតីក្នុងកិច្ចប្រជុំបូកសរុបលទ្ធផល ស្តីពីការចុះបេសកកម្ម​ពិនិត្យ​វឌ្ឍនភាព​នៃការអនុវត្តគម្រោងជាមួយក្រុមការងារធនាគារអភិវឌ្ឍន៏អាស៊ី ក្នុងក្របខណ្ឌគម្រោងខ្សែច្រវាក់ផលិតកម្មដោយភាតរៈបរិស្ថាន (CFAVC) នៅទីស្ដីការក្រសួងកសិកម្ម រុក្ខាប្រមាញ់ និងនេសាទ។
កិច្ចប្រជុំនេះ ក៏មានការចូលរួមពីឯកឧត្តម សៀក ឡេង អនុរដ្ឋលេខាធិការ​ក្រសួង​កសិកម្ម រុក្ខាប្រមាញ់ និងនេសាទ និងជានាយកគម្រោងខ្សែច្រវាក់​ផលិតកម្ម​ដោយភាតរៈបរិស្ថាន លោក ហែម ចន្ធូ ប្រធានក្រុមបេសកកម្មនៃ​ធនាគារ​អភិវឌ្ឍន៍អាស៊ី លោក កើត កិត្តិនាថ ប្រធានគ្រប់គ្រងគម្រោងនៃក្រសួងកសិកម្ម រុក្ខាប្រមាញ់ និងនេសាទ និងតំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួងធនធានទឹក និងឧតុនិយម តំណាងក្រសួងអភិវឌ្ឍន៍ជនបទ ប្រធានភ្នាក់ងារអនុវត្តគម្រោង និងមន្ត្រីអនុវត្តគម្រោងថ្នាក់កណ្ដាល ព្រមទាំងប្រធានក្រុម អនុប្រធានក្រុម និងទីប្រឹក្សាបច្ចេកទេសផងដែរ។
សូមជម្រាបជូនថា គោលបំណងសំខាន់នៃកិច្ចប្រជុំនារសៀលនេះគឺ ដើម្បីពិនិត្យវឌ្ឍនភាពការងារដែលបាននិងកំពុងអនុវត្ត ជំរុញ​ការអនុវត្តសកម្មភាពដែលនៅសេសសល់ឱ្យសម្រេចបានតាមការរំពឹងទុក ជាពិសេសពិភាក្សាអំពីបញ្ហាប្រឈមនានា និងដំណោះស្រាយ ដើម្បីលើកជាទិសដៅសម្រាប់អនុវត្តបន្ត​ សំដៅឱ្យគម្រោងទទួលបានជោគជ័យ និងប្រកបដោយនិរន្តរភាព៕