ព័ត៌មានផ្សេងៗទៀត
អ្នកឃុំសំរោងបានទទួលផ្លូវសា្ពននិងរង្វាន់ដល់កសិករគំរូ
ចេញផ្សាយ ២២ មករា ២០១៨ 4369
សមិទ្ធិមូយចំនួននៅឃុំសំរោង ស្រុកត្រាំកក់ បានប្រារព្ធពិធីសម្ពោធ កាលពីពេលថ្មីនេះ ដោយមានការអញ្ជើញចូលរួមដោយផា្ទល់ ពីសំណាក់ឯកឧត្តមបណ្ឌិត ចន្ទ័ សារុន រដ្ឋមន្ត្រីក្រសូងកសិកម្ម រុកា្ខប្រមាញ់ និងនេសាទ។ សមិទ្ធផលទាំងនោះ មានផ្លូវលំប្រវែង១៩០០ម៉ែត្រ មានខ្នងលើពី៣,៥០ ទៅ៤ម៉ែត្រ កម្ពស់០,៨០ម៉ែត្រទៅ០,៥០ម៉ែត្រ សា្ពនបេតុងមួយ និងបានប្រគល់ជ័យលាភីកសិករគំរូចំនួន៣នាក់។
កសិករជ័យលាភីលេខមួយ ទទួលបានគោពូជមួយក្បាល, ជ័យលាភីលេខ២ ទទួលបានមេជ្រូកពូជ១ក្បាល និងលេខ៣ បានទទួលមេមាន់ពូជចំនួន១០ក្បាល។ នៅចំពោះមុខអ្នកចូលរួមចំនួនជាង៣០០នាក់ ឯកឧត្តមរដ្ឋមន្ត្រីបានប្រាប់អ្នកភូមិថា អ្វីដែលទទួលបានណាពេលនេះ គឺបានកើតឡើងពីការប្រឹងប្រែងរួមគា្ន រវាងមន្ត្រីក្រុមការងារ ជាមួយប្រជាជន និងព្រះសង្ឃក្នុងមូលដ្ឋាន ហើយសមិទ្ធនឹងបានចូលរួមចំណែកកាត់បន្ថយភាពក្រីក្រនៅមូលដា្ឋន។
ឯកឧត្តមបានបន្តទៀតថាមានផ្លូវគឹ មានសង្ឃឹម។ មានផ្លូវកាត់បន្ថយរយៈពេលធើ្វដំណើរចំណាយ។ ផ្លូវលំបងើ្កតសក្តានុពលដល់កសិករ។ ឯកឧត្តមបានអំពាវនាវ ដល់អ្នកភូមិឲ្យចូលរួមថែរក្សាសមិទិ្ធនេះ ឲ្យបានល្អប្រយោជន៍ប្រើប្រាស់បានយូរអង្វែង។ឯកឧត្តមរដ្ឋមន្ត្រី ក៏បានលើកទឹកចិត្តដល់កសិករគំរូ ដែលទទួលជ័យលាភីនិងបានសុំឲ្យបន្តការខិតខំតទៅទៀត។
បន្ថែមពីលើនេះត្រូវចែករំលែកបទពីសោធន៍របស់ខ្លួនទៅកសិករដទៃទៀត។
