សិក្ខាសាលាស្តីពី បទពិសោធន៍ទទួលបានពីការប្រមូលទិន្នន័យ នៃការអង្កេតចន្លោះជំរឿនកសិកម្មឆ្នាំ២០១៩

ចេញ​ផ្សាយ​ ២ សីហា ២០១៩ 23163

នាព្រឹកថ្ងៃពុធ ១៥រោច ខែអាសាឍ ឆ្នាំកុរ ព.ស ២៥៦៣ ត្រូវនឹងថ្ងៃទី៣១ ខែកក្កដា ឆ្នាំ២០១៩ ក្រសួងផែនការ សហការណ៍ជាមួយក្រសួងកសិកម្ម រុក្ខាប្រមាញ់ និងនេសាទ និង FAO ក្រោមអធិបតីភាពឯកឧត្តម គិត សេង អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោកជំទាវ ហង់ លីណា ប្រតិភូរាជរដ្ឋាភិបាលកម្ពុជា ទទួលបន្ទុកអគ្គនាយកវិទ្យាស្ថានជាតិស្ថិតិ ក្រសួងផែនការ ឯកឧត្តម ឃិន សុវល័ក្ខ អគ្គនាយករងនៃវិទ្យាស្ថានជាតិស្ថិតិក្រសួងផែនការ លោកម៉ក់ ម៉ូនី ប្រធាននាយដ្ឋានផែនការនិងស្ថិតិ លោកស្រី Karlar Koudelka ជំនាញការ FAO លោកស្រី Chris Jacobson ជំនាញការ FAO បានរៀបចំសិក្ខាសាលាស្តីពី បទពិសោធន៍ទទួលបានពីការប្រមូលទិន្នន័យ នៃការអង្កេតចន្លោះជំរឿនកសិកម្មឆ្នាំ២០១៩ នៅសណ្ឋាគារកាំបូឌីយ៉ាណា ក្នុងគោលលបំណងដើម្បីពិនិត្យផ្ទៀងផ្ទាត់ ចែករំលែកបទពិសោធន៍ និងវាយតម្លៃលើលទ្ធផលនៃការចុះប្រមូលទិន្នន័យអង្កេតចន្លោះជំរឿនកសិកម្មឆ្នាំ២០១៩ នៅទូទាំង២៥ រាធានី ខេត្ត។