ព័ត៌មានផ្សេងៗទៀត
កិច្ចសន្ទនាទ្វេភាគីកម្ពុជា-ជប៉ុន
ចេញផ្សាយ ១៨ ធ្នូ ២០១៩ 24457
នៅព្រឹកថ្ងៃពុធ ០៧រោច ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៨ ខែធ្នូ ឆ្នាំ២០១៩ លោកបណ្ឌិត ព្រំ សុមានី ប្រធាននាយកដ្ឋានសហប្រតិបត្តិការអន្តរជាតិ នៃក្រសួងកសិកម្ម រុក្ខាប្រមាញ់ និងនេសាទកម្ពុជា បានសហការដឹកនាំកិច្ចប្រជុំជាមួយលោក KINOSHITA Hiroaki, ប្រធាននាយកដ្ឋានកិច្ចការអន្តរជាតិ នៃក្រសួងកសិកម្ម រុក្ខាប្រមាញ់ និងនេសាទជប៉ុន ក្នុងកិច្ចសន្ទនាទ្វេភាគីកម្ពុជា-ជប៉ុនលេីកទី៥ ស្តីពី"ខ្សែច្រវាក់តម្លៃផលិតកម្មស្បៀង" ដែលប្រព្រឹត្តទៅនៅសណ្ឋាគារ កាំបូឌីយ៉ាណា រាជធានីភំ្នពេញ។ ជាកិច្ចចាប់ផ្តេីមនៃកិច្ចសន្ទនាខាងលេី លោកបណ្ឌិត ព្រំ សុមានី បានសម្តែងនៅការស្វាគមន៍ដ៏កក់ក្តៅទៅកាន់ភាគីជប៉ុន ដែលបានបន្តនូវកិច្ចសហប្រតិបត្តិការល្អ ក៏ដូចជាការបន្តផ្តល់ជាហិរញ្ញប្បទាន និងការគាំទ្រផ្នែកបច្ចេកទេសសម្រាប់វិស័យកសិកម្មនៅកម្ពុជា។ គួរបញ្ជាក់ផងដែរថា៖ កិច្ចសន្ទនាទ្វេភាគីកម្ពុជា-ជប៉ុនលេីកទី៤ បានប្រព្រឹត្តទៅនៅឆ្នាំ២០១៨ នៅប្រទេសជប៉ុន ដែលបានធ្វេីការចុះហត្ថលេខាលេីអនុស្សរណៈនៃការយោគយល់គ្នា (MoU) ដែលផ្តោតសំខាន់លេី ការធ្វេីពិពិធកម្មផលិតផលកសិកម្ម។ តាមរយៈ MoU ខាងលេី បានចូលរួមជួយបង្កេីនប្រាប់ចំណូលដល់កសិករ ដ៏ដូចជាការបង្កេីនការនាំចេញផលិតផលកសិកម្មសម្រេច និងមិនទាន់សម្រេចក្រោមសកម្មភាព ៣សំខាន់ៗ៖ ១. បង្កេីននូវផលិតផលកសិកម្ម ២. ការធ្វេីឱ្យផលិតផលកសិកម្មមានគុណភាព និងសុវត្ថិភាពជាងមុន និង ៣. ការវិវឌ្ឍនៃការកេីតឡេីងខ្ពស់សម្រាប់តម្លៃបន្ថែមរបស់ផលិតផលកសិកម្ម។ ដោយយោងតាមកិច្ចសហប្រតិបត្តិការល្អខាងលេី ទេីបក្រសួងកសិកម្ម រុក្ខាប្រមាញ់ និងនេសាទកម្ពុជា និងក្រសួងកសិកម្ម រុក្ខាប្រមាញ់ និងនេសាទជប៉ុន នៅតែបន្តកិច្ចសហប្រតិបត្តិការ ដែលនាំឱ្យមានការរៀបចំកិច្ចសន្ទនាទ្វេភាគីកម្ពុជា-ជប៉ុនលេីកទី៥នេះកេីតឡេីង។
