ព័ត៌មានផ្សេងៗទៀត
គម្រោងរបស់ FAO មានទឹកប្រាក់ជាង២៨លានដុល្លាររយះពេល៣ឆ្នាំ
ចេញផ្សាយ ២២ មករា ២០១៨ 4017
ចាប់ពីឆ្នាំ ២០០៩ មកដល់ឆ្នាំ ២០១១ នេះគម្រោងរបស់អង្គការស្បៀង និងកសិកម្មសហប្រជាជាតិ (FAO) ជាច្រើនត្រូវបានអនុវត្តទាំងលើផ្នែកកសិកម្ម និងវិស័យមួយចំនួយទៀត ដែលសរុបទឹកប្រាក់មានចំនួន ២៨.០០០. 000 ដុល្លារ សម្រាប់ជូយដល់កម្ពុជា ដែលក្នុងនោះគម្រោងថ្នាក់ជាតិក្នុងខ្ទង់១៩លានដុល្លារ គម្រោងអន្តរតំបន់៣០ម៉ឺនដុល្លារ។
កាលពីចុងសប្តាហ៍ លោកអាចាយម៉ាកាន់ដា (Ajay Makanday) តំណាងអង្គការ FAO បានចូលជម្រាបលា ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម នៅទីស្តីការក្រសួងកសិកម្មខណៈពេល រូបលោក នឹងបញ្ចប់អាណត្តិបេសកកម្ម នៅព្រះរាជាណាចក្រកម្ពុជានៅពេលឆាប់ៗខាងមុខនេះ។ ខណៈពេលជួបនោះ ឯកឧត្តមបណ្ឌិត ច័ន្ទ សារុន បានរំលឹកពីបេសកកម្មរបស់ FAO រយះពេលកន្លងមក ដែលក្នុងរយះពេលនោះ យើងបានធ្វើកិច្ចសហការគ្នា បានល្អប្រសើរ ហើយក្នុងរយះពេលបំពេញបេសកកម្ម នៅកម្ពុជាតំណាងអង្គការ FAO បានខិតខំបង្កើនកិច្ចសហការ និងជួយដល់ក្រសួងកសិកម្ម បានសម្រេចលទ្ធផលជាច្រើន។
លោកហុង ណារិត នាយកខុទ្ទកាល័យឯកឧត្តមរដ្ឋមន្ត្រីបានប្រាប់ថា ទាក់ទងទៅនឹងលទ្ធផលដែលសម្រេចបាននោះឯកឧត្តមបណ្ឌិត ច័ន្ទ សារុនបានឲដឹងថា ការងារដែលយើងសម្រេចបានមានដូចជា តួនាទីរបស់ FAO ក្នុងការរៀបចំយុទ្ធសាស្ត្រទឹក ដែលក្រោមយុទ្ធសាស្ត្រនេះ FAO បានជួយកម្មវិធីសនិ្តសុខស្បៀង និងកម្មវិធីស្តីពីការអប់រំស្រាវជ្រាវផ្សព្វផ្សាយកសិកម្ម។ ឯកឧត្តមបានបន្តថាលទ្ធផលសំខាន់មួយទៀតនោះ គឺ FAO ជាសមាជិកសកម្ម ក្នុងការរៀបចំកម្មវិធីព្រៃឈើជាតិ ដែលអនុវត្តដល់ឆ្នាំ២០២៩ ដែលនេះជាផែនទីបង្ហាញផ្លូវ សម្រាប់រដ្ឋបាលព្រៃឈើ ប្រើប្រាស់ក្នុងការគ្រប់គ្រងព្រៃឈើ ដោយនិរន្តរភាព។
លទ្ធផលមួយទៀតនោះគឺ FAO បានសហការជាមួយនាយកដ្ឋានផែនការសិ្ថតិ នៃក្រសួងកសិកម្ម រៀបចំដាក់ឲប្រើប្រាស់ នូវក្របខ័ណ្ឌការងារអាទិភាព រយះពេលមធ្យម ដែលត្រូវអនុវត្ត ដោយក្រសួងកសិកម្មនិង FAO ជាមួយគ្នា ដោយក្របខ័ណ្ឌការងារនេះ យើងមានកម្មវិធី និងគម្រោងមួយចំនួន។ និយាយដល់លទ្ធផលមួយទៀតនោះ FAO បានជួយដល់ការរៀបចំផែនការយុទ្ធសាស្ត្រ១០ឆ្នាំ ក្នុងការអភិវឧ្ឍន៍នេះវាសំខាន់ ដោយសារវាផ្សារភ្ជាប់ដល់ជីវភាព ប្រជាជនកម្ពុជាភាគច្រើន ពោលគឺវាជារបៀបវារៈដែលត្រូវយកចិត្តទុកដាក់ខ្ពស់ ហើយក្នុងផ្នែកនេះផងដែរ ក៏បានជជែកអំពីការអភិរក្សព្រៃកោងកាង។
ឯកឧត្តមរដ្ឋមន្ត្រី បានបន្ថែមទៀតថា ក្រៅពីនេះ FAO បានចូលរួមការរៀបចំ សេចក្តីព្រាងច្បាប់ ស្តីពីផលិតកម្ម និងបសុព្យាបាល ដែលបានដាក់ពិគ្រោះយោបល់ចុងក្រោយ នាពេលថ្មីៗកន្លងមកនេះ។ FAO ក៏បានផ្តល់គម្រោង ជួយដល់ការរៀបចំផែនការយុទ្ធសាស្ត្រអភិវឧ្ឍន៍កសិឧស្សាហកម្ម ដែលផ្តោតការយកចិត្តទុកដាក់ ទៅលើការផ្តល់តម្លៃបនែ្ថម លើកសិកម្មកម្ពុជាខ្នាតតូច ឬខ្នាតមធ្យម ដើម្បីជំរុញកសិផលកម្ពុជា ចូលទីផ្សារឲបានទូលំទូលាយ។ នៅមានការងារជាច្រើនទៀតដែល FAO បានជួយហើយសម្រាប់ឆ្នាំ២០១១នេះ FAO កំពុងពិនិត្យ និងសម្រេចទៅលើគម្រោងអភិវឧ្ឍន៍សហគ្រាសខ្នាតតូចបំផុត និងខ្នាតតូច ដើម្បីគាំពារដល់សុវត្ថិភាព និងសន្តិសុខស្បៀង គម្រោងភាពបន្សំ និងកាត់បន្ថយភាពប៉ះពាល់ ដោយសារការផ្លាស់ប្តូរអាកាសធាតុ និងគម្រោងឥណទានកាបូន (REDD) ។
ជាការឆ្លើយតប លោក អាចាយម៉ាកាន់ដេ បានសម្តែងនូវការរីករាយយ៉ាងខ្លាំង សម្រាប់អាណត្តិរបស់លោក នៅកម្ពុជាហាក់ដូចជាមិនឃ្លាតឆ្ងាយ ពីភូមិកំណើតរបស់លោកនោះទេ។ លោកបានមានប្រសាសន៍ថា ក្នុងការបំពេញការងារនៅកម្ពុជានេះ លោកទទួលបាននូវបទពិសោធន៍ពិសេសៗជាច្រើន។
លោកបានបញ្ជាក់ថា ក្នុងរយះពេលអាណត្តិរបស់លោក លោកកត់សម្គាល់ឃើញថា វិស័យកសិកម្មកម្ពុជា មានការអភិវឧ្ឍន៍លូតលាស់ល្អយ៉ាងខ្លាំង ក្នុងរយះពេលប៉ុន្មានឆ្នាំចុងក្រោយនេះ។ កសិកម្មកម្ពុជា មិនគ្រាន់តែធានាបាននូវសន្តិសុខស្បៀងនៅកម្ពុជាប៉ុណ្ណោះទេ ប៉ុន្តែថែមទាំងបានចូលរួមចំណែកស្ថិរភាពសន្តិសុខស្បៀង ក្នុងតំបន់ថែមទៀតផង។ ដូច្នេះគឺមានការទទួលស្គាល់ពីសហគមន៍អន្តរជាតិ ពីបញ្ហានេះដែលនាំឲសំណើររបស់រាជរដ្ឋាភិបាលកម្ពុជា ក្នុងការប្រើប្រាស់ថវិការកម្មវិធីសកល សម្រាប់់សន្តិសុខស្បៀង ដែលឧបត្ថម្ភដោយ EU នឹងទទួលបានជោគជ័យនៅពេលខ្លីខាងមុខនេះ។
ជាមួយគ្នានោះ លោកបានសន្យាថា នៅពេលដែលលោកត្រលប់ទៅបំពេញការងារ នៅទីក្រុងរ៉ូម ប្រទេសអ៊ីតាលី លោកនឹងខិតខំជំរុញការងារបន្តទៀត ដូចជាយុទ្ធសាស្ត្រពាក់ព័ន្ធ ទៅនឹងថាមពលជីវម៉ាស ដែលលោកខិតខំធ្វើយ៉ាងណា ឲមានគម្រោងគំរូមួយ ត្រូវបានបង្កើតទ្បើងរវាងក្រសួងកសិកម្ម ជាមួយវិទ្យាស្ថានល្បីឈ្មោះ មួយនៅប្រទេសឥណ្ឌា។
