ព័ត៌មានផ្សេងៗទៀត
កម្មវិធីព្រៃឈើជាតិឆ្នាំ២០១០-២០២៩ត្រូវបាន ផ្សព្វផ្សាយជាសាធារណៈ
ចេញផ្សាយ ២២ មករា ២០១៨ 4969
ឯកសារស្ដីពីការអនុវត្ដកម្មវិធីព្រៃឈើជាតិពីឆ្នាំ២០១០ ដល់ឆ្នាំ២០២៩ ដែលមានចំនួនប្រមាណជាង ១៦០ទំព័រត្រូវបានឯកឧត្តមបណ្ឌិត ច័ន្ទ សារុន រដ្ឋមន្ដ្រី ក្រសួងកសិកម្ម រុក្ខាប្រមាញ់ និងនេសាទ ធ្វើការប្រកាសផ្សព្វផ្សាយ ជាសាធារណៈ នៅថ្ងៃទី២៩ ខែធ្នូ ឆ្នាំ២០១០នេះ បន្ទាប់ពីរាជរដ្ឋាបាល បានសម្រេចកាលពីខែ តុលា រួចមក នៅក្នុងការផ្សព្វផ្សាយនេះ មានការចូលរួម ពីក្រុមអ្នកពាក់ព័ន្ធ ដូចជាមន្ដ្រីរដ្ឋាបាលព្រៃឈើ ព្រះសង្ឃ តំណាងសហគមន៍ព្រៃឈើ តំណាងអង្គការក្រៅរដ្ឋាភិបាល តំណាងវិស័យឯកជន តំណាងស្ថានទូតផ្ដល់ជំនួយលើវិស័យនេះ ចំនួនបរិមាណជាង ៣០០នាក់នៅក្រសួងកសិកម្ម។
លោក ឆេង គឹមស៊ុន ប្រតិភូរាជរដ្ឋាភិបាលទទួលបន្ទុកជាប្រធាន រដ្ឋបាលព្រៃឈើបានថ្លែងនៅក្នុងកម្មវិធីផ្សព្វផ្សាយ កម្មវិធីព្រៃឈើជាតិ ឆ្នាំ២០១០-២០២៩ នៅថ្ងៃទី២៩ ខែធ្នូ ឆ្នាំ២០១០នេះថា កម្មវិធីព្រៃឈើជាតិ ជាក្របខ័ណ្ឌរួម នៃការងារទាំងមូលវិស័យព្រៃឈើ ដែលចង្អុលបង្ហាញនូវទស្សនវិស័យ គោលបំណងកម្មវិធីការងារ និងយុត្ដិសាស្ដ្រនៃកម្មវិធីអនុវតការងារ។
កម្មវិធីព្រៃឈើជាតិ ដែលត្រូវបានរាជរដ្ឋាភិបាលអនុម័តិកាលពីខែតុលា កន្លងមកនេះ គឺជាលទ្ធផលរួមគ្នាមួយ កើតចេញពីការខិតខំប្រឹងប្រែងរួមគ្នា ចាប់តាំងពីឆ្នាំ២០០៧មក ដែលដឹកនាំដោយរដ្ឋាភិបាលព្រៃ និងស្ថាប័នពាក់់ព័ន្ធវិស័យឯកជន សង្គមស៊ីវិល និងដៃគួអភិវឌ្ឍន៍នានា និងមានការតម្រង់ទិសពីក្រុមការងារបច្ចេកទេស ស្ដីពីការកែរទម្រង់ព្រៃឈើ។ កម្មវិធីព្រៃឈើជាតិ ដែលត្រូវធ្វើការផ្សព្វផ្សាយនៅពេលនេះ បានឆ្លងកាត់ការត្រួតពិនិត្យ និងកន្លែងលម្អជាច្រើនលើកច្រើនសារពីផ្នែកដែលពាក់ពន្ធ័។
លោកបណ្ឌិត សុខ ហេង បានថ្លែងនៅក្នុងកម្មវិធីប្រកាសដាក់ឱ្យអនុវត្ដកម្មវិធីព្រៃឈើជាតិនេះដែរថា កម្មវិធីព្រៃ ឈើជាតិសម្រាប់អនុវត្ដពីឆ្នាំ២០១០ ដល់ឆ្នាំ២០២៩ រួមមាន កាកំណត់ព្រំប្រទល់ ការចាត់ថ្ម្នាក់ និងការចុះបញ្ជីការ។ កម្មវិធី អភិរក្ស ការអភិវឌ្ឍន៍ធនធានព្រៃឈើ និងជីវៈចម្រុះ។ កម្មវិធីពង្រីកការអនុវត្ដន៍ច្បាប់ និងអភិបាលកិច្ច។ កម្មវិធីសហគមន៍ ព្រៃឈើ កម្មវិធីអភិវឌ្ឍន៍ សមត្ថភាព និងការស្រាវជ្រាវហើយកម្មវិធីហិរញ្ញប្បទានដោយនិរន្ដភាពសម្រាប់វិស័យព្រៃឈើ។
ឯកឧត្តមបណ្ឌិត ច័ន្ទ សារុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានថ្លែងនៅក្នុងកម្មវិធីប្រកាស ដាក់អោយប្រើប្រាស់ និងអនុវត្ដកម្មវិធីព្រៃឈើជាតិនេះថា ក្រោមកិច្ចសហការយ៉ាងជិតស្និទ្ធ រវាងរដ្ឋាភិបាលព្រៃឈើ និងភាគីពាក់ព័ន្ធនានា ក្នុងវិស័យព្រៃឈើ ជាពិសេសទីភ្នាក់ងារអភិវឌ្ឍន៍អន្ដរជាតិ DANIDA , DFID , NZAID និងអង្គការ FAC ព្រមទាំង NFP Facitity ដែលបានឧបត្ថម្ភថវិការ និងបច្ចេកទេស ក្នុងការរៀបចំចងក្រងកម្មវិធីព្រៃឈើជាតិ ដែលត្រូវបានរាជរដ្ឋាភិបាល អនុម័ត នៅក្នុងសម័យប្រជុំពេញអង្គ របស់គណៈរដ្ឋមន្ដ្រី កាលពីថ្ងៃទី៧ ខែឧសភា ហើយត្រូវបានចុះហត្ថលេខាជាផ្លូវការដោយ សម្ដេច អគ្គមហាសេនាបតីតេជោហ៊ុនសែន នាយករដ្ឋមន្ដ្រី នៅថ្ងៃទី ១៨ តុលា ឆ្នាំ២០១០ ហើយត្រូវបានយកមកធ្វើការ ផ្សព្វផ្សាយឱ្យប្រើប្រាសនៅថ្ងៃនេះ គឺជាព្រឹត្ដិការណ៍ប្រវត្ដសាស្ដ្រមួយថ្មីទៀត ក្នុងវិស័យព្រៃឈើ សំដៅជំរុញឱ្យមានការគាំទ្រ ក្នុងការអភិវឌ្ឍន៍វិស័យព្រៃឈើ ដើម្បីរួមចណែកអភិវឌ្ឍន៍វិស័យព្រៃឈើ ដើម្បីរួមចណែកអភិវឌ្ឍន៍សេដ្ឋកិច្ច និងការធ្វើឱ្យប្រសើរឡើងនូវកម្រិតជីវភាពរស់នៅរបស់ប្រជាពលរដ្ឋ។
ឯកឧត្តមរដ្ឋមន្ដ្រី បានថ្លែងបន្ដទៀតថា ធនធានព្រៃឈើបានផ្ដល់នូវ ពហុប្រយោជន៍យ៉ាងច្រើនក្រៃលែង ដល់សង្គមជាតិ តាំពីដើមរហូតមក។ ព្រៃឈើមិនត្រឹមតែមានតម្លៃខាងសេដ្ឋកិច្ច និងសង្គមប៉ុណ្ណោះទេ តែនៅមានតម្លៃខ្ពស់មិនអាចប៉ាន់ប្រមាណ បានលើផ្នែកថែរក្សាលំនឹងបរិស្ថានធម្មជាតិ ធ្វើឱ្យធាតុអាកាស មានភាពកាន់តែប្រសើរឡើងរក្សានិយ័តភាពប្រភពទឹកការពារ ទីជម្រាល និងការពាជីវៈជម្រុះ សរុបមក ព្រៃឈើ គឺជាប្រភពដង្ហើមរស់នៅលើភពផែនដី ជីវិតមនុស្ស និងសត្វលោកទូទៅ។
ឯកសារកម្មវិធីព្រៃឈើជាតិគឺបង្ហាញឱ្យឃើញនូវសុច្ចន្ទៈ របស់រាជរដ្ឋាបាលកម្ពុជា ក្នុងការធ្វើឱ្យសម្រេចបាននូវគោលបំណង អភិវឌ្ឍន៍ព្រៃឈើតាមមធ្យោបាយស្របច្បាប់។ វាគឺជាចក្ខុវិស័យរួមគ្នា ក្នុងការគ្រប់គ្រងទាក់ទាញយកផលប្រយោជន៍ ពីព្រៃឈើ តាមរយៈការចូលរួមអនុវត្ដរបស់ភាគីនានា រួមមានស្ថាប័នរដ្ឋាភិបាល សហគមន៍មូលដ្ឋាន ក្រុមហ៊ុនឯកជនអង្គរការក្រៅរដ្ឋាភិបាល ដៃគូរអភិវឌ្ឍន៍និងនិតិបុគ្គលនានា។
គោលបំណងនៃកម្មវិធីព្រៃឈើជាតិ គឹដើម្បីបង្កើនឱ្យមានក្របខ័ណ្ឌសង្គម និងគោលនយោបាយសមស្របមួយសម្រាប់ការគ្រប់គ្រងព្រៃគ្រប់ប្រភេទប្រកបដោយនិរន្ដភាព។ កម្មវិធីព្រៃឈើជាតិ បានកំណត់ យ៉ាងច្បាស់នូវសូនាករ ក៏ដូចជាទិសដៅ និងគោលដៅក្នុងការអភិវឌ្ឍន៍វិស័យព្រៃឈើសំដៅធានា ឱ្យបានជាអតិបរិមានូវផលប្រយោជន៍ជានិរន្ដ សម្រាប់សង្គមជាតិ ជាពិសេសផលប្រយោជន៍សម្រាប់បង្កើនជីវភាពរស់នៅ សេវាកម្មបរិស្ថាន និងសម្រាប់ ការអភិវឌ្ឍន៍សង្គមទាំងមូល។
