មនុស្ស ជាច្រើនរយនាក់ ដែលលាយចម្រុះគ្នាមាន លោកគ្រូអ្នកគ្រូសិស្សានុសិស្សប្រជាជនធម្មតាដែលជាឪពុកម្ដាយ អាណាព្យាបាលបានជួបជុំគ្នា នៅក្នុងបរិវេណសាលាបឋមសិក្សាសំណាប សម្លឹងមើលទៅលើសៀវភៅជាច្រើនរយក្បាល និងរាប់រយចំណងជើង ក្នុងឃុំញ៉ែងញ៉ងស្រុកត្រាំកក់។
នៅក្នុង ចំណោមនៃការជួបជុំនេះវត្ដមានរបស់លោក ច័ន្ទ សារុន រដ្ឋមន្ដ្រីក្រសួងកសិកម្មរុក្ខាប្រមាញ់ និងនេសាទព្រមទាំងមន្ដ្រី ក្រុមការងាររបស់ លោក បានធ្វើឱ្យអ្នកចូលរួមកាន់តែយល់ពីសារសំខាន់នៃការរៀបចំដែលគេ ហៅថា”ទិវាសៀវភៅ”នេះ។
សៀវភៅចំនួន២០២៧ក្បាលស្មើនឹង២៦៥មុខត្រូវបានដាក់តាំង ហើយធ្វើជាអំណោយសម្រាប់សាលានៅជនបទមួយនេះ ។
ក្នុងចំណោម សៀវភៅចំនួន៧៣២ក្បាល ស្មើនឹង១៣៦មុខ និងគិតជាទឹកប្រាក់ចំនួន១.០២១,៣១ដុល្លារជាអំណោយរបស់លោករដ្ឋមន្រី្ដ កសិកម្ម ច័ន្ទ សារុន និង សៀវភៅចំនួន១២៩មុខស្មើនឹង១២៩៥ក្បាលគិតជាទឹកប្រាក់២.៣១០,១០ដុល្លារ ជាអំណោយរបស់លោកទេពភននិងលោកស្រី យ៉ោក សុផល។អ្វីដែល មានតម្លៃបំផុតសម្រាប់សាលាជនបទមួយនេះ គឺការធ្វើឱ្យសាលាដែលមិនត្រឹមតែជាថ្នាលបណ្ដុះបណ្ដាលធនធានមនុស្ស ប៉ុណ្ណោះទេ តែក៏ជាការធ្វើឱ្យសាលាមានបណ្ណាល័យ ដែលមានសៀវភៅសម្បូរបែបសម្រាប់សិស្សនិងគ្រូនៅទីនោះ។ ជាការពិតកង្វះសៀវភៅអានជាបញ្ហាជាក់ស្ដែងមួយដែលបានកើតឡើងនៅតាម សាលានានាពិសេសបណ្ដាសាលារៀននៅជនបទ។ ទោះបីក្រសួងអប់រំបានជួយជាច្រើនក៏ដោយ ក៏ចំនួននោះពុំបានសមល្មមនឹងចំនួនសិស្សដែលកើនឡើងនិងមានការ ស្រេកឃ្លានក្នុងការអានដែរ ។ ដូចនេះការជួយជាសៀវភៅអាន គឺជាការចែករំលែកមួយប្រកបដោយគុណប្រយោជន៏។
លោក រដ្ឋមន្ដ្រីច័ន្ទ សារុន បាន មានប្រសាសន៏នៅក្នុងឱកាសនោះថាក្រៅពីការចង់ចូលរួមធ្វើឱ្យសិស្ស លោកគ្រូអ្នក គ្រូ និងសាលារៀនមានសៀវភៅសម្រាប់អានសម្រាប់ធ្វើការស្រាវជ្រាវនោះ គឺការរៀបចំទិវាសៀវភៅនេះឡើងគឺដើម្បីពញ្ញាក់អារម្មណ៏ឱ្យ គ្រប់គ្នាមានទម្លាប់ក្នុងការអានសៀវភៅឡើងវិញ។លោកបន្ដថា ការអានសៀវភៅនឹងពង្រីកបាននូវការចេះដឹង។ គ្មានការអានការស្រាវជ្រាវបន្ថែមតាមរយះសៀវភៅមានន័យថា ការចេះដឹងនឹងពុំត្រូវបានបំពេញបន្ថែមឡើយ។លោកអំពាវនាវសុំឱ្យលោកគ្រូ អ្នកគ្រូ សិស្ស មាតា បិតាអាណាព្យាបាលសិស្ស ជំរុញការអានសៀវភៅឱ្យបានកាន់តែច្រើនឡើង។
សៀវភៅ ដែលជាអំណោយនិងដាក់តាំងនៅក្នុងទិវាសៀភៅដែលបានរៀបចំកាលពីដើមសប្ដា ហ៏កន្លងទៅនេះមានគ្រប់មុខទៅតាមកម្រិតសិក្សា និងមានសៀវភៅទាក់ទងទៅនឹងកសិកម្មនិងបំណិនជីវិតសម្រាប់សិស្ស ផងដែរ៕
