ក្រុមការងារមជ្ឈមណ្ឌលព័ត៌មាន និងឯកសារកសិកម្ម បានអញ្ជើញចុះពង្រឹងសមត្ថភាពមន្ត្រីក្នុងការប្រើប្រាស់ថ្នាល និងយល់ដឹងពី CamDX និង CamDigiKey ការបង្កើត QR តាមរយៈ qr.gov.kh និងការប្រើប្រាស់ ChatGPT AI នៅមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប

ចេញ​ផ្សាយ​ ២២ មីនា ២០២៥ 10804

នៅថ្ងៃទី១៩ ខែមីនា ឆ្នាំ២០២៥ ក្រុមការងារមជ្ឈមណ្ឌលព័ត៌មាន និងឯកសារកសិកម្ម បានចុះបណ្តុះបណ្តាលពង្រឹងសមត្ថភាពមន្ត្រីក្នុងការប្រើប្រាស់ថ្នាល និងយល់ដឹងពី CamDX និង CamDigiKey ការបង្កើត QR តាមរយៈ qr.gov.kh  និងការប្រើប្រាស់បច្ចេកវិទ្យាបញាសប្បនិម្មិត​(AI) ChatGPT នៅមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានដឹកនាំដោយលោក ដាវ វិទូ អនុប្រធានការិយាល័យគ្រប់គ្រងកម្មវិធីបច្ចេកវិទ្យាឌីជីថល នៃមជ្ឈមណ្ឌលព័ត៌មាន និងឯកសារកសិកម្ម និងមានការអញ្ជើញចូលរួមពី លោក ប៉ែន ប៊ុនធឿន អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប លោក លោកស្រីប្រធាន-អនុប្រធានការិយាល័យ និងមន្ត្រី នៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប ដែលមានអ្នកចូលរួមសរុបចំនួន ១៥រូប (ស្ត្រី ០៤រូប)។

អ្នកចូលរួមទាំងអស់បានចូលរួមយ៉ាងសកម្មក្នុងការជជែកពិភាក្សាជាមួយគ្រូបង្គោល  និងសំដែងការចាប់អារម្មណ៍លើប្រធានបទ ការប្រើប្រាស់បច្ចេកវិទ្យាបញ្ញាសុបនិមិត្ត និងការបង្កើត QR Code សម្រាប់ប្រើប្រាស់លើឯកសារផ្លូវការផ្សេងៗ។ បន្ថែមពីការធ្វើបទបង្ហាញ ក៏មានការជជែកពិភាក្សា និងអនុវត្តផ្ទាល់នៅលើកុំព្យួទ័រ និងទូរស័ព្ទស្មាតហ្វូនផងដែរ ជាមួយគ្នានេះក្រុមការងារបានជួយពិនិត្យបញ្ហាកើតមានលើទំព័រហ្វេសប៊ុករបស់មន្ទីរ និងទំព័រហ្វេសប៊ុកថ្មីដែលមន្ទីរបានបង្កើត និងជួយពន្យល់ណែនាំបន្ថែមពីការប្រើប្រាស់ ការផូសព័ត៌មាន ដែលកុំឱ្យមានបញ្ហាជាប់ Banned ពីក្រុមហ៊ុនMETA (Facebook)។

ជាទីបញ្ចប់ក្រុមការងារមន្ទីរខេត្តសៀមរាបក៏បានលើកឡើងនូវបញ្ហាប្រឈមមួយចំនួនដែលមន្ទីរជួបប្រទះកន្លងមកដូចជា ខ្វះធនធានមនុស្សឌីជីថល និងសម្ភារៈប្រើប្រាស់ និងស្នើសុំឱ្យមានការបណ្តុះបណ្តាលលើការកាត់តវីដេអូ និងការរៀបចំមាតិកាសម្រាប់ផ្សព្វផ្សាយជាដើម។