Other News
ការចុះបង្រ្កាប និងណែនាំពីបទល្មើសជលផលក្នុងខេត្តពោធិ៍សាត់
ចេញផ្សាយ ២២ មករា ២០១៨ 4385
កន្លងមកក្រសួងកសិកម្ម រុក្ខាប្រមាញ់ និងនេសាទ ដែលមានរដ្ឋបាលជលផលជាសេនាធិការ បានយកចិត្តទុកដាក់ជាប្រចាំចំពោះបទល្មើសជលផល ពិសេសនៅរដូវបិទនេសាទជាក់ស្តែងកាលពីថ្ងៃទី១៩-២០ ខែមិថុនា ឆ្នាំ២០១២ អនុគណៈកម្មការលុបបំបាត់បទល្មើសជលផលខេត្តពោធិ៍សាត់ ដឹកនាំដោយ ឯកឧត្តម សុខ វិសាល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយលោក យូ ច័ន្ទប្រសិទ្ធ អនុប្រធាននាយកដ្ឋានអភិរក្សជលផល បានដឹកនាំសមត្ថកិច្ចរដ្ឋបាលជលផលខេត្តពោធិ៍សាត់ សហការជាមួយអាជ្ញាធរខេត្តបានចុះត្រួតពិនិត្យបទល្មើសជលផលក្នុងភូមិសាស្ត្រស្រុកកណ្តៀង និងស្រុកបាកាន។ ក្នុងនេះកម្លាំងចម្រុះ បានរុះរើ និងបំផ្លាញចោលនូវឧបករណ៍នេសាទល្មើសអចល័តរួមមាន៖
របាំងសាច់អួនដែលមានក្រឡា ១,៥-៣ ស.ម មានប្រវែង ៨៥០ ម៉ែត្រ
- ក្បាលបរធ្វើពីសាច់អួនចំនួន ០៣គ្រឿង
- លបសាច់អួនចំនួន៣គ្រឿង
- របាំងព្រួលកាត់ព្រែកចំនួន៣០ ម៉ែត្រ
- បង្គោលប្រវែង ២-៤ ម៉ែត្រមានចំនួន២២០ដើម
- ចាក់លែងត្រីចម្រុះចូលក្នុងដែនទឹកធម្មជាតិវិញចំនួន ១៥គីឡូក្រាម។
ក្នុងការចុះបង្ក្រាបនេះ ឯកឧត្តម សុខ វិសាល ជាមួយមន្ត្រីជំនាញ ក៏បានប្រជុំផ្សព្វផ្សាយនូវអនុសាសន៍ទាំង៧ ចំណុច របស់សម្តេចតេជោ និងប្រកាសលេខ ១២៩ ប្រ.ក.កសក របស់ក្រសួងកសិកម្ម រុក្ខាប្រមាញ់ និងនេសាទ ចុះថ្ងៃទី២៧ ខែមីនា ឆ្នាំ២០១២ ស្តីពីការកំណត់ប្រភេទ ឧបករណ៏នេសាទ គ្រួសារដែលអនុញ្ញាតឱ្យធ្វើនេសាទក្នុងដែននេសាទទឹកសាបនៃព្រះរាជាណាចក្រកម្ពុជា ដល់ប្រជានេសាទដែលមកពីភូមិអ្នកតាទ្វារ ខេត្តបាត់ដំបងដែលកំពុងនេសាទជាលក្ខណៈគ្រួសារនៅព្រែកខ្លែង ស្រុកបាកាន ខេត្តពោធិ៍សាត់ ឱ្យបានយល់ដឹងកាន់តែច្បាស់ចំពោះការប្រើប្រាស់ឧបករណ៍នេសាទជាលក្ខណៈគ្រួសារ ទាំងនៅរដូវបើក និងរដូវបទនេសាទ។
ក្នុងនោះដែរក៏មានបទល្មើសចល័ត ដូចជាការឆក់ អូសអួន ជាដើម ឌេលជនល្មើស លួចធ្វើសកម្មភាព ត្រូវបានសមត្ថកិច្ច រដ្ឋបាលជលផលខេត្ត កំពុងចុះធ្វើការលុបបំបាត់ និងការពារធនធានជលផលឱ្យមានបរិមាណកើនឡើងមួយកម្រិតថែមទៀត។
