ព័ត៌មានផ្សេងៗទៀត
ឯកឧត្តមរដ្ឋមន្រ្តី ឌិត ទីណា អញ្ជើញអមដំណើរគណៈប្រតិភូព្រឹទ្ធសភា សហការជាមួយក្រុមគ្រូពេទ្យស្ម័គ្រចិត្តនៃប្រទេសបារាំង ចុះធ្វើការពិនិត្យនិងព្យាបាលជំងឺដោយឥតគិតកម្រៃជូនពុកម៉ែបងប្អូន និងក្មួយៗ នៅខេត្តបន្ទាយមានជ័យ
ចេញផ្សាយ ១៦ វិច្ឆិកា ២០២៥ 583
នាព្រឹកថ្ងៃទី១៦ ខែវិច្ឆិកា ឆ្នាំ២០២៥ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញអមដំណើរគណៈប្រតិភូព្រឹទ្ធសភាដឹកនាំដោយឯកឧត្តម ប៉ុល លឹម ប្រធានក្រុមសមាជិកព្រឹទ្ធសភាប្រចាំភូមិភាគទី៤ និងតំណាងដ៏ខ្ពង់ខ្ពស់ឯកឧត្តមបណ្ឌិត ធន់ វឌ្ឍនា អនុប្រធានទី២ នៃព្រឹទ្ធសភា ដែលបានសហការជាមួយក្រុមគ្រូពេទ្យស្ម័គ្រចិត្តរបស់សមាគមបេសកកម្មមនុស្សធម៌នៃប្រទេសបារាំងប្រចាំកម្ពុជា ដើម្បីចុះធ្វើការពិនិត្យនិងព្យាបាលជំងឺដោយឥតគិតកម្រៃជូនពុកម៉ែបងប្អូន និងក្មួយៗ ជាជនភៀសខ្លួនពីភូមិព្រៃចាន់ និងភូមិជោគជ័យ នៅទីតាំងសុវត្ថិភាពស្រុកអូរជ្រៅ ខេត្តបន្ទាយមានជ័យ។
ឯកឧត្តមរដ្ឋមន្រ្តី សូមថ្លែងអំណរគុណយ៉ាងជ្រាលជ្រៅចំពោះឯកឧត្តមបណ្ឌិត ធន់ វឌ្ឍនា សម្រាប់ការសម្រាប់សម្រួលនិងសហការជាមួយក្រុមគ្រូពេទ្យស្ម័គ្រចិត្ត ដើម្បីធ្វើការរៀបចំឱ្យមានយុទ្ធនាការ ដែលរួមចំណែកគាំពារប្រជាជនយើងក្នុងគ្រាលំបាកនេះ៕
