ព័ត៌មានផ្សេងៗទៀត
ថ្នាក់ដឹកនាំក្រសួងកសិកម្ម ដឹកនាំក្រុមការងារពិនិត្យស្រង់ទិន្នន័យកសិករក្រីក្រនៅស្រុកថ្មគោល ដើម្បីជំរុញការដាំបន្លែក្នុងផ្ទះសំណាញ់ ក្រោមគម្រោង "EMPOWER"
ចេញផ្សាយ ៣ សីហា ២០២៦ 3241
នៅថ្ងៃទី៣ ខែសីហា ឆ្នាំ២០២៦ ឯកឧត្តម ប៉ែន ផល្លីកា អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ ដឹកនាំក្រុមការងារពិនិត្យស្រង់ទិន្នន័យកសិករក្រីក្រនៅស្រុកថ្មគោល ខេត្តបាត់ដំបង ដើម្បីលើកកម្ពស់ជីវភាព និងពង្រឹងភាពធន់ តាមរយៈការប្រែក្លាយទម្លាប់ធ្វើកសិកម្ម គឺ «ការដាំបន្លែក្នុងផ្ទះសំណាញ់» ក្រោមការអនុវត្តគម្រោង "EMPOWER"។
កិច្ចប្រជុំនេះ មានការអញ្ជើញចូលរួមពីលោក ទៀង គឹមស៊ាន អភិបាលនៃគណៈអភិបាលស្រុកថ្មគោល លោក ប៉ុញ ឧត្តម អនុប្រធានមន្ទីរកសិកម្មខេត្ត ព្រមទាំងមន្ត្រីជំនាញ មន្ត្រីកសិកម្មឃុំទាំងបី និងអាជ្ញាធរភូមិ-ឃុំពាក់ព័ន្ធ។
គោលដៅសំខាន់នៃកិច្ចប្រជុំ ដើម្បីជួយកសិករក្រីក្រឱ្យចំគោលដៅ និងមានប្រសិទ្ធភាព ស្រង់ទិន្នន័យជាក់លាក់ដោយ ចុះប្រមូលទិន្នន័យកសិករក្រីក្រដែលមានលក្ខខណ្ឌគ្រប់គ្រាន់ និងចំគោលដៅពិតប្រាកដ ដើម្បីធានាថាជំនួយ និងបច្ចេកវិទ្យាផ្ទះសំណាញ់បានទៅដល់ដៃអ្នកដែលត្រូវការបំផុត។
នាឱកាសនោះ ឯកឧត្តម ប៉ែន ផល្លីកា បានផ្តល់អនុសាសន៍ណែនាំយ៉ាងម៉ឺងម៉ាត់ដល់ក្រុមការងារជំនាញ និងអាជ្ញាធរមូលដ្ឋាន ដោយពង្រឹងកិច្ចសហការជិតស្និទ្ធ រវាងមន្ត្រីជំនាញ និងអាជ្ញាធរភូមិ-ឃុំ ដើម្បីក្តាប់បានពីតម្រូវការជាក់ស្តែង និងដោះស្រាយបញ្ជូនជូនកសិករបានទាន់ពេលវេលា។ ធានាឱ្យបាននូវទិន្នន័យច្បាស់លាស់ ក្នុងគោលបំណងឱ្យការអនុវត្តគម្រោង EMPOWER សម្រេចបានផលវិជ្ជមាន ប្រកបដោយប្រសិទ្ធភាព និងគណនេយ្យភាព៕
