ឯកឧត្តមរដ្ឋមន្រ្តី វេង សាខុន បានអនុញ្ញាត ឲ្យលោក Doug Ericksen សមាជិកព្រឹទ្ធសភាអាមេរិក មកពីគណបក្សសាធារណរដ្ឋ របស់ លោក ដូណាល់ ត្រាំ ក្នុងរដ្ឋវ៉ាស៊ីនតោន ជួបពិភាក្សាកាងារ

ចេញ​ផ្សាយ​ ៩ ឧសភា ២០១៨ 3452

 នៅវេលាម៉ោង២និង៣០រសៀលថ្ងៃអង្គារ៍ ៩រោច ខែពិសាខ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៨ ខែឧសភា ឆ្នាំ២០១៨ ឯកឧត្តម វេង សាខុន បានអនុញ្ញាត ឲ្យលោក Doug Ericksen សមាជិកព្រឹទ្ធសភាអាមេរិក និងសហការី មកពីគណបក្សសាធារណរដ្ឋ របស់ លោក ដូណាល់ ត្រាំ ក្នុងរដ្ឋវ៉ាស៊ីនតោន ជួបពិភាក្សាកាងារ នៅទីស្តីការក្រសួងកសិកម្ម រុក្ខាប្រមាញ់ និងនេសាទ ។ ការពិភាក្សាបានផ្តោតទៅលើ៖ ១) ការស្វែងយល់ពីការរីកចម្រើនលើវិស័យកសិកម្មនៅកម្ពុជានាពេលបច្ចប្បន្ន ក្រោយពីកម្ពុជាទទួលបានសុខសន្តិភាព និងស្ថិរភាពសង្គម តាមរយៈនៃការដាក់ចេញនយោបាយ ឈ្នះ ឈ្នះរបស់សម្តេចតេជោកន្លងទៅ ២) ការពិនិត្យមើលកិច្ចសហប្រតិបត្តិលើវិស័យកសិកម្មរវាងប្រទេសយើងទាំងពីរកន្លងម និងពិនិត្យលទ្ធភាពក្នុងការពង្រឹងកិច្ចសហប្រតិបត្តិការលើការកសាងសមត្ថភាពវិស័យកសិកម្មនៅកម្ពុជានាពេលខាងមុខ ៣) ការបោះទុនវិនិយោគលើវិស័យកសិកម្ម រួមទាំងការកែឆ្នៃស្របតាមវិធានភូតគាមអនាម័យ និងការវិចខ្ចប់ បំរើដល់ការផ្គត់ផ្គង់ក្នុងស្រុក និងការនាំចេញផលិតផលកសិកម្មពីកម្ពុជា ក្នុងនោះរួមមាន ការចិញ្ចឹមគោយកទឹកដោះ ការនាំស្រូវអង្ករចេញពីកម្ពុជា និងផ្លែឈើមួយចំនួនផងដែរ ៤) ការពិនិត្យមើលពីសក្តានុពលក្នុងការពង្រីកទីផ្សាររបស់អាមេរិកនៅកម្ពុជាដើម្បីនាំចូលនូវផលិតផលកសិកម្មពីសហរដ្ឋអាមេរិក មកលក់នៅកម្ពុជា។ ទន្ទឹមនឹងនេះគណៈប្រតិភូក៏បានវាយតម្លៃខ្ពស់ចំពោះចំពោះការរីកចម្រើនលើវិស័យកសិកម្មនៅកម្ពុជាកន្លងមក ហើយបានសន្យាថា នឹងបន្តពង្រឹង និងពង្រីកកិច្ចសហប្រតិបត្តិការលើវិស័យនេះឲ្យបានកាន់ខ្លាំងក្លាថែមទៀត ជាមួយនឹងការបង្កើនការផ្លាស់ប្តូរបទពិសោធ និងការធ្វើពាណិជ្ជកម្មនៃផលិតផលកសិកម្មនាពេលខាងមុខឲ្យបានប្រសើរ ដើម្បីឈានទៅដល់ការបង្កើនបរិយាកាសជំនឿទុកចិត្ត និងការរឹតចំណងមិត្តភាពរវាងប្រជាជនយើងទាំងពីរ និងរដ្ឋាភិបាលយើងទាំងពី សំខាន់បំផុតនោះសហរដ្ឋអាមេរិច ចង់ឃើញភាពខ្លាំងរបស់កម្ពុជាលើវិស័យសេដ្ឋកិច្វនាពេលអនាគត់ ។