វគ្គបណ្តុះបណ្តាលគេហទំព័ររបស់មន្ទីរកសិកម្ម រុក្ខាប្រមាញ់ និងនេសាទ​ខេត្តកំពង់ស្ពឺ និងកោះកុង

ចេញ​ផ្សាយ​ ២២ មិថុនា ២០១៨ 24882

សកម្មភាពរបស់ការិយាល័យព័ត៌មានវិទ្យា និងបច្ចេកវិទ្យាទូរគមនាគមន៍ នៃមជ្ឈមណ្ឌលព័ត៌មាន និងឯកសារកសិកម្ម នៅនៅថ្ងៃពុធ ០៨កើត ខែបឋមាសាធ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨ រហូតដល់ថ្ងៃព្រហស្បតិ៍ ០៩កើត ខែបឋមាសាធ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨៖
ក្រុមការងារនៃមជ្ឈមណ្ឌលបានចុះទៅបណ្តុះបណ្តាលស្តីពីការគ្រប់គ្រងគេហទំព័ររបស់មន្ទីរកសិកម្ម រុក្ខាប្រមាញ់ និងនេសាទខេត្តកោះកុង និងខេត្តកំពង់ស្ពឺ។ ក្នុងវគ្គបណ្តុះបណ្តាលខាងមន្ទីរបានចាត់តាំងមន្រ្តីចូលរួមជាច្រើន ដើម្បីទទួលយកចំណេះដឹងលើការគ្រប់គ្រងគេហទំព័រដូចជា៖ ការគ្រប់គ្រងអ្នកប្រើប្រាស់គេហទំព័រ ការគ្រប់គ្រងរូបភាពរត់នៅលើគេហទំព័រ ការគ្រប់គ្រងទំព័រនៅលើគេហទំព័រ ការគ្រប់គ្រងព័ត៌មាន សកម្មភាពនៅលើគេហទំព័រ ការគ្រប់គ្រងប្រភេទព័ត៌មាន ឬសកម្មភាពនៅលើគេហទំព័រ ការគ្រប់គ្រងអ្នកលក់-ទិញនៅលើគេហទំព័រ និងការគ្រប់គ្រងប្រភេទអ្នកលក់-ទិញនៅលើគេហទំព័រ។
លទ្ធផលជារួមនៃដំណើរការចុះបណ្តុះបណ្តាលនេះ គឺក្រុមការងារនៃមជ្ឈមណ្ឌលព័ត៌មាន និងឯកសារកសិកម្ម បានទទួលការសហការពីមន្ទីរកសិកម្ម រុក្ខាប្រមាញ់ និងនេសាទខេត្តកោះកុង និងខេត្តកំពង់ស្ពឺ យ៉ាងកក់ក្តៅដោយមន្ទីរបានចាត់ឲ្យមន្ត្រីចូលរួមតាមកាលបរិច្ឆេទដូចបានកំណត់ និងមានការសាទរសម្រាប់ការទទួលបានគេហទំព័រផ្ទាល់របស់មន្ទីរ។ ពួកគាត់ថ្លែងអំណរអរគុណចំពោះក្រុមការងាររបស់មជ្ឈមណ្ឌលព័ត៌មាន  និងឯកសារកសិកម្ម ដែលបានចំណាយពេលចុះទៅដោយផ្ទាល់ដល់កន្លែងរបស់ពួកគាត់ ដើម្បីធ្វើការបណ្តុះបណ្តាលជំនាញនេះដល់ពួកគាត់។