ឯកឧត្តម កែវ អូម៉ាលីស្ស បានទទួលអំណោយសប្បុរសធម៌ ពីក្រុមហ៊ុន MRT និងសប្បុរសជននានា សម្រាប់ចែកជូនជនភៀសសឹកខេត្តបន្ទាយមានជ័យ

ចេញ​ផ្សាយ​ ២១ ធ្នូ ២០២៥ 34

នៅថ្ងៃសៅរ៍ ទី២០ ខែធ្នូ ឆ្នាំ២០២៥ ឯកឧត្តមរដ្ឋលេខាធិការ កែវ អូម៉ាលីស្ស អនុប្រធានក្រុមការងារចុះមូលដ្ឋានស្រុកស្វាយចេក ខេត្តបន្ទាយមានជ័យ និងតំណាងដ៏ខ្ពង់ខ្ពស់របស់ឯកឧត្តមរដ្ឋមន្ត្រី ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញទទួលអំណោយសប្បុរសធម៌ ពីក្រុមហ៊ុន MRT និងសប្បុរសជននានា ចំនួន៥០០កញ្ចប់ ជាស្បៀង និង សម្ភារៈប្រើប្រាស់មួយចំនួន សម្រាប់ចែកជូនបងប្អូនជនភៀសសឹកនៅខេត្តបន្ទាយមានជ័យ។ 
តាងនាមឱ្យក្រុមការងារ ឯកឧត្តមរដ្ឋលេខាធិការបានថ្លែងអំណរគុណយ៉ាងជ្រាលជ្រៅ ចំពោះក្រុមហ៊ុន MRT និងសប្បុរសជននានា សម្រាប់ទឹកចិត្តសប្បុរសជួយប្រជាជនភៀសសឹកក្នុងគ្រាដ៏លំបាកនេះ៕