ព័ត៌មានផ្សេងៗទៀត
ឯកឧត្តមអ៊ុករ៉ាប៊ុនប្រជុំនៅមន្ទីរកសិកម្មខេត្តបាត់ដំបង
ចេញផ្សាយ ២៥ មករា ២០១៨ 3426
កាលពីថ្ងៃទី១៧ខែមិនាឆ្នាំ២០១៥នេះឯកឧត្តមបណ្ឌិតអ៊ុករ៉ាប៊ុនរដ្ឋមន្ត្រីក្រសួងកសិកម្មបានអញ្ចើញជាអធិបតីនោះក្នុងពិធីជួបជុំសំណេះសំណាលជាមួយមន្ត្រីរាជការមន្ទីរកសិកម្មខេត្តបាត់ដំបង។ លោកឈឹម វិជ្ជរ៉ា ប្រធានមន្ទីកសិកម្មខេត្តបាត់ ដំបង បានរាយការណ៏អំពីស្ថានភាពមន្ត្រីរាជការ និងការងារបង្កបង្កើនផលកសិកម្ម ក្នុងនោះស្រូវរដូវវស្សាអនុវត្តបាន ២៩៥០៦១ ហិចតាគឺស្មើនឹង ១១៧០៩ ភាគរយនៃផែនការ ស្រូវរដូវប្រាំងអនុវត្តបាន១១៧៣៨ ហិចតា លើសផែនការដែលបានគ្រោងទុក ទិន្នផលជាមធ្យម ៣ តោន ៨៨៨គីឡូក្រាមក្នុងមួយហិចតា ក្រៅពីដំណាំស្រូវ នៅមានការងារចិញ្ចឹមសត្វ ការដាំដុះដំណាំរួមផ្សំ ដំណាំកសិឧស្សាហកម្ម គឺមាន សន្ទុះកើនឡើងគួរឲ្យកត់សម្កាល់។
បន្ទាប់មតិចំណាប់អារម្មពីសំណាក់ឯកឧត្តមចន្ទ័ សុផល អភិបាលនៃគណៈអភិបាលខេត្តបាត់ដំបងរួចមក ឯកឧត្តមបណ្ឌិតអ៊ុករ៉ាប៊ុនបានមានប្រសាសន៍ស្ងើចសរសើរ និងវាយតម្លៃខ្ពស់ចំពោះថ្នាក់ដឹកនាំ និងមន្ត្រីរាជការនៃមន្ទីកសិកម្មខេត្តបាត់ដំបងដែលសម្រេចបានលទ្ធផលការងារយើងធំធេងគីអនុវត្តការងារបង្កបង្កើនផលទាំងរដូវវស្សា ទាំងរដូវប្រាំង បានលើសផែនការដែលបានគ្រោងទុក ដែលឆ្លុះបញ្ចាំងអោយឃើញនូវការខិតខំនេះរួមចំណែករក្សា អត្តសញ្ញាណខេត្តបាត់ដំបង គឺជាខេត្តជង្រុកស្រូវ របស់ប្រទេសយើង។ ឯកឧត្តមរដ្ឋមន្ត្រីបានផ្តល់នូវការលើកទឹកចិត្ត និងសំណូមពរសូមឲ្យបន្តការខិតខំនេះបន្ថែមអោយបានគ្រប់គ្រាន់ មានក្បាលម៉ាស៊ីនដឹកនាំចាប់ពីថ្នាក់មន្ទីរ ថ្នាក់ការិយាល័យជំនាញរហូតដល់ថ្នាក់ការិយាល័យកសិកម្មស្រុក ត្រូវយកចិត្តទុកដាក់ទៅលើការត្រួតពិនិត្យអោយម៉ឹងម៉ាត់ នូវការនាំចូល និងការធ្វើចរាចរសំភារៈកសិកម្ម ក្លែងបន្លំគុណភាព និងត្រូវបន្តអនុវត្តបច្ចេកទេសប្រពលវប្បកម្មដំណាំស្រូវតាមគោលការណ៍ធម្មជាតិ ឈានឆ្ពោះនៅបង្កើនទិន្នផល បង្កើនរដូវដាំដុះនៅលើផ្ទៃដីដដែល ឆ្លើយតបទៅនឹងគោលនយោបាយរបស់រាជរដ្ឋាភិបាលស្តីពីការជម្រុញផលិតកម្មដំណាំស្រូវ និងនាំចេញអង្ករ៕
