ព័ត៌មានផ្សេងៗទៀត
កសិករត្រូវចេះប្រើបច្ចេកវិទ្យាថ្មី ដើម្បីបង្កើនផលិតភាពកសិកម្មឱ្យកាន់តែប្រសើរ
ចេញផ្សាយ ២២ មករា ២០១៨ 4755
ក្រសួងកសិកម្ម រុក្ខាប្រមាញ់ និងនេសាទ បានជំរុញឱ្យប្រជាកសិករ ប្រើប្រាស់បច្ចេកវិទ្យា និងចំណេះដឹងថ្មីៗ ក្នុងការប្រកបរបរកសិកម្ម ដើម្បីបង្កើនផលិតភាព ដោយក្រសួង បានបើកពិព័របង្ហាញឯកសារ ស្ដីពីបច្ចេកវិទ្យាទាក់ទងនិងបច្ចេកទេសកសិកម្ម ដល់កសិករ។
ឯកឧត្ដមបណ្ឌិតច័ន្ទ សារុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានថ្លែងនៅក្នុងការតាំងពិព័រណ៏កសិកម្ម កាលពីថ្ងៃពុធថា សព្វថ្ងៃកសិករកម្ពុជា មិនទាន់ចេះវិធីសាស្ដ្រ ធ្វើកសិកម្មតាមបែបបច្ចេកទេសទំនើបនៅឡើយទេ ទើបធ្វើឱ្យផលិតភាពទទួលបានតិច។ ឯកឧត្ដមបណ្ឌិតច័ន្ទ សារុន បន្ដថា៖«យើងសង្ឃឹមថាតាមរយះនៃការតាំងពិព័រណ៏នេះ កសិកររបស់យើង មិនត្រឹមតែអាចដោះស្រាយបានប្រកបដោយប្រសិទ្ធិភាព នូវបញ្ហានៃភាពក្រីក្ររបស់គេប៉ុណ្ណោះទេ ប៉ុន្ដែក៏អាចជួយធ្វើឱ្យមានកសិផល ដែលនៅសល់សម្រាប់បំរើការនាំចេញផងដែរ »។
កាលពីថ្ងៃពុធ មានតំណាងកសិករ មកពីខេត្ដក្រុងទាំង២៤ សរុប១៤៣នាក់ បានចូលរួមក្នុងការតាំងពិព័រណ៏ឯកសារ ស្ដីពីបច្ចេកវិទ្យាកសិកម្មទំនើប នៅក្រសួងកសិកម្ម ដែលមានចំនួន៧០ ស្ដង់។ មានឯកសារស្ដីពីបច្ចេកវិទ្យាក្នុងការប្រើប្រាស់គ្រឿងយន្ដ ការប្រើប្រាស់ប្រព័ន្ធស្រោចស្រព្វ ការប្រើប្រាស់ពូជ ជី ថ្នាំ ការពារសត្វល្អិត ព្រមទាំងបច្ចេកទេស ស្ដីពីការដាំដុះដំណាំស្រូវ បន្លែ និងពោតជាដើម ត្រូវបានគេតាំងបង្ហាញ និងចែកជូនកសិករដោយឥតគិតថ្លៃ សម្រាប់យកទៅធ្វើការដកបទពិសោធន៏ ក្នុងការបង្កើនផលិតភាពកសិកម្មរបស់ខ្លួន។
លោក បិញ ឈិន តំណាងកសិករមកពីខេត្ដកំពត បាននិយាយថា កាលពីមុនកសិករ ធ្វើកសិកម្ម តាមទម្លាប់ដែលដូនតាបន្សល់ទុក។ ឯកឧត្តម បានបញ្ជាក់ថា៖«យើងធ្វើកសិកម្ម ប៉ុន្ដែយើងមិនដែលទទួលបាន ផលិតភាពខ្ពស់ទេ ពីព្រោះយើងគ្មានការយល់ដឹង ពីបច្ចេកទេសឱ្យបានត្រឹមត្រួវ នៅក្នុងផលិតកម្មរបស់យើង»៕
