Other News
ស្ត្រី៦រូបទទួលការតែងតាំងក្នុងឱកាសបុណ្យ៨មិនា
ចេញផ្សាយ ២២ មករា ២០១៨ 3977
ក្រសួងកសិកម្ម រុក្ខាប្រមាញ់ និងនេសាទ បានតែងតាំងស្ត្រីចំនួន៦រូបជាមន្ត្រីដឹកនាំនៅក្នុងក្រសួង ខណះនៃកាប្រារព្ឋពិធីអបអរខួបទី១០០ នៃទិវានារីអន្តរជាតិ៨មិនាដែលប្រារព្ឋធ្វើនៅទីស្តីការក្រសួង ។
ស្ត្រីទាំង៦រូបក្នុងមនោះមាន ទី១- អ្នកស្រី អ៊ួង ហេងត្រូវបានតែងតាំងជាអគ្គនាលេខាធិការរងនៃក្រសួងកសិកម្ម ២ - កញ្ញាចាន់ ផលលឿន ជាអគ្គនាយករងនៃអគ្គនាយកដ្ឋានកសិកម្ម ៣- កញ្ញាអ៊ូ ស៊ីរីតា ជាអនុប្រធានរដ្ឋបាលព្រៃឈើ ៤- អ្នកស្រីសេង មុំ ជាសាកល វិទ្យាធិការរងនៃសាកសវិទ្យាល័យ ភូមិន្ទកសិកម្ម ៥ -អ្នកស្រីអុក សារិនជាអនុប្រធាននាយកដ្ឋានផលិតកម្ម និងបសុព្យាបាល និង៦- អ្នកស្រីហេង គឹមស្រ៊ាងជាអនុប្រធានមន្ទីរកសិកម្ម ខេត្តកំពុងឆ្នាំង។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដែលអញ្ជើញចូលរួមក្នុងពិធីនេះបានមានប្រសាសន៏លើកសរសើរ ពីការចូលរួមរបស់នារីនៃក្រសួង ក៏ដូចជានារីនៅទូទាំងប្រទេស និងការយកចិត្តទុកដាក់ពីសំណាក់ប្រមុខរាជរដ្ឋាភិបាល ដូចការតែងតាំងមន្ត្រីនារីនាពេលនេះដែរ។
ឯកឧត្តមបានបន្តដោយលើកសំដីរបស់លោកFranklin Roosevelt ប្រធានាធិបតីអាមេរិចកាំង (១៨៨២-១៩៤៥) ដែលនិយាយថា’’ ជានិច្ចកាលយើងអាចស្ថាបនាយុវជនយើងបានទេ ប៉ុន្តែយើងអាចស្ថាបនាយុវជនយើងសម្រាប់ពេលអនាគត” ។
ដូច្នេះស្មារតី ៨មីនាពុំមែនគ្រាន់តែឱកាសជួបជុំគ្នា ដើម្បីរំលឹកសិទ្ឋិរបស់ខ្លូនក្នុងមួយថ្ងៃប៉ុណ្តោះទេ ប៉ុន្តែជាឱកាសមួយបើកឲ្យនារីខ្មែរគ្រប់ស្រទាប់ទាំងអស់ប្រមូលផ្តុំមនសិការ និងផ្ទេរប្តូរវិចារណញ្ញណថ្មីល្អៗទៅ ដើម្បីរួមគ្នាតស៊ូក្នុងបុព្វហេតុនារី ជាពិសេសពោលគឺធ្វើយ៉ាងណាឲ្យប្រធានបទដែលបានលើកឡើងក្នុងខួបទិវានារីនៃឆ្នាំនីមួយៗឲ្យក្លាយជាផ្លាផ្កាដោយពិតប្រាកដ តួយ៉ាងដូចក្នុងប្រធានបទនេះដែលបានលើកឡើងថា” យុវជនជួយស្ត្រីគឺជួយខ្លួនឯង និងជួយសង្គមជាតិ។
ឯកឧត្តមបន្តថា ទោះជាយ៉ាងណា បុរសក៏មិនត្រូវសម្លឹងមើលត្រឹមតែសម្រស់ផូរផង់ ពីធម្មជាតិរបស់នារីរតនះនោះឡើយ ពោលគឺបុរសត្រូវចូលរួមក្នុងស្មារតីភាតរះ សោមនស្សចេតនាដោយស្វាមីភ័ក្តិជាទីបំផុត ដើម្បីសម្រេចគោលដៅនេះប្រកបដោយសមធម៌ និងក្តីសន្តោស។ សង្ឃឹមថា ប្រធានបទឆ្នាំនេះនិងក្លាយជាវិញ្ញាសារមួយ សម្រាប់ជាជំនួយស្មារតីដល់ស្រទាប់យុវវ័យទាំងឡាយធ្វើការពិចារណាជាគតិឲ្យស្របទៅនឹងវិទូជនជាតិអង់គ្លេស (Alfred N. Whitehead, ១៨៦១-១៩៤៧) ដែលបានលើកឡើងថា និយមន័យដ៏ជ្រាលជ្រៅបំផុតអំពីយុវវ័យ គឺជីវិតដែលមិនទាន់ប៉ះពាល់ដោយសោតនាដកម្មនៅឡើយ។
ឯកឧត្តមបញ្ជាក់ថា អង្គភាពទាំងឡាយក្រោមឱវាទក្រសួង និងបង្កបរិយាកាសដ៏ល្អប្រសើដល់បងប្អួននារី ទាំងនៅក្នុងអង្គភាពរបស់ខ្លួនដើម្បីឲ្យមានអនុស្សាវរីយ៏ល្អៗបន្ថែមទៀតជាសម្រាប់ជាចំណងដៃនៃទិវា៨មីនានេះ ហើយក៏មិនត្រូវមើលរំលងផងដែរនូវការតំឡើងឋានៈ តូនាទីនារីដែលមានស្នាដៃឆ្នើមសកម្មការងារឲ្យស័ក្តិសមទៅការខិតខំប្រឹងប្រែងរបស់គេស្របតាមអនុសាសន៏ដ៏ថថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលតែងតែលើកឡើងថា “ ស្ត្រីជាឆ្អឹងខ្នងនៃសេដ្ឋកិច្ច និងសង្គមជាតិយើង និងយុវវ័យជាទំពាំងស្នងឬស្សី” ៕
