ព័ត៌មានផ្សេងៗទៀត
ឯកឧត្តមរដ្ឋលេខាធិការ អុឹម សុីថុល តំណាងដ៏ខ្ពង់ខ្ពស់ឯកឧត្តមរដ្ឋមន្រ្តី ឌិត ទីណា អញ្ជេីញជាអធិបតីក្នុងពិធីបិទកិច្ចប្រជុំបូកសរុបការងារព្រៃឈេីប្រចាំឆ្នាំ២០២៤ និងទិសដៅអនុវត្តឆ្នាំ២០២៥
ចេញផ្សាយ ១៣ ធ្នូ ២០២៤ 2429
នៅព្រឹកថ្ងៃទី១៣ ខែធ្នូ ឆ្នាំ២០២៤ ឯកឧត្តម អុឹម សុីថុល រដ្ឋលេខាធិការប្រចាំការក្រសួងកសិកម្ម រុក្ខាប្រមាញ់ និងនេសាទ និងជាតំណាងដ៏ខ្ពង់ខ្ពស់ឯកឧត្តមរដ្ឋមន្រ្តី ឌិត ទីណា បានអញ្ជេីញជាអធិបតីក្នុងពិធីបិទកិច្ចប្រជុំបូកសរុបការងារព្រៃឈេីប្រចាំឆ្នាំ២០២៤ និងទិសដៅអនុវត្តឆ្នាំ២០២៥ នៅទីស្តីការក្រសួងកសិកម្ម រុក្ខាប្រមាញ់ និងនេសាទ ដែលមានការចូលរួមពីមន្រ្តីក្រោមឱវាទចំនួន ៣០០នាក់។
ថ្លែងទៅកាន់អង្គពិធី ឯកឧត្តមរដ្ឋលេខាធិការ បានសម្តែងនូវការស្វាគមន៍យ៉ាងកក់ក្តៅ និងមានកិត្តិយសដែលបានចូលរួមពិធីបិទនាថ្ងៃនេះ។ លើសពីនេះ ឯកឧត្តមរដ្ឋលេខាធិការ បានកោតសរសើរ និងវាយតម្លៃខ្ពស់នូវកិច្ចខិតខំប្រឹងប្រែងរបស់ថ្នាក់ដឹកនាំ និងមន្រ្តីរាជការនៃរដ្ឋបាលព្រៃឈើ ក្នុងការបំពេញការងារប្រកបដោយទំនួលខុសត្រូវខ្ពស់ និងការលះបង់ក្នុងការអនុវត្តការងារប្រកបដោយប្រសិទ្ធភាព។
នៅចំពោះអង្គពិធី ឯកឧត្តមរដ្ឋលេខាធិការ មានភាពសុទិដ្ឋិនិយមខ្ពស់សម្រាប់លទ្ធផលកិច្ចប្រជុំក្នុងការចូលរួមផ្តោតការពិភាក្សាលើការអនុវត្តការងារ និងផ្តល់ធាតុចូលសំខាន់ៗ តាមការចង្អុលបង្ហាញដ៏ខ្ពង់ខ្ពស់ពីសំណាក់ឯកឧត្តមរដ្ឋមន្រ្តី ឌិត ទីណា។
ទន្ទឹមនឹងនេះ ឯកឧត្តមរដ្ឋលេខាធិការ បានផ្តល់អនុសាសន៍តម្រង់ទិសដល់រដ្ឋបាលព្រៃឈើ ពង្រឹងការអនុវត្តតួនាទីភារកិច្ចដោយជំរុញភាពជាអ្នកដឹកនាំ និងគំនិតផ្តួចផ្តើមសម្រាប់អង្គភាព យកបទពិសោធថវិកាសមិទ្ធកម្មឆ្លើយតបឱ្យចំគោលដៅស្របតាមកម្មវិធីរបស់ក្រសួង ជំរុញការធ្វេីសេចក្តីព្រាងច្បាប់ព្រៃឈេីស្របតាមស្ថានភាពបច្ចុប្បន្ន ជំរុញការដាំឈេីគ្រប់រូបភាពដោយសហការជាមួយសហគមន៍ព្រៃឈេី និងជំរុញការសិក្សាពីផល និងអនុផលព្រៃឈេី និងសត្វព្រៃ។
បេីតាម ឯកឧត្តមរដ្ឋលេខាធិការ រដ្ឋបាលព្រៃឈេីត្រូវបន្តយកចិត្តទុកដាក់លេីការការពារឧទ្យានសួនសត្វ ព្រៃការពារ និងសួនភូតគាមភ្នំតាម៉ៅផ្សាភ្ជាប់ការលេីកកម្ពស់ទេសចរណ៍ ជំរុញនិងតាមដានការបង្រ្កាបបទល្មេីសព្រៃឈេី និងសត្វព្រៃ និងជំរុញការចុះបញ្ជីដីរដ្ឋ ដោយកែប្រែទ្រព្យរដ្ឋទាំងអស់ទៅជាទ្រព្យសកម្មឱ្យមានប្រសិទ្ធភាព និងប្រសិទ្ធផលខ្ពស់។
ក្រៅពីផ្តល់អនុសាសន៍ណែនាំ ឯកឧត្តមរដ្ឋលេខាធិការ បានលេីកទឹកចិត្តដល់រដ្ឋបាលព្រៃឈេីបង្កេីនការផ្សព្វផ្សាយនូវសមិទ្ធផលនានារបស់រាជរដ្ឋាភិបាលដែលសម្រេចបាន និងសមិទ្ធផលរបស់ក្រសួងកសិកម្មផ្ទាល់ និងធ្វេីការឆ្លេីយតបយ៉ាងសកម្មទៅលេីភាពអវិជ្ជមាន និងព័ត៌មានដែលមិនមានមូលដ្ឋានច្បាស់លាស់ ដោយឆ្លេីយតបឱ្យចំគោលដៅ និងត្រឹមត្រូវពិតប្រាកដ៕
