ព័ត៌មានផ្សេងៗទៀត
ផ្ដល់ស្រូវពូជខណៈរដូវបង្កបង្កើនផលចូលមកដល់
ចេញផ្សាយ ១៦ មករា ២០១៨ 4255
ស្រូវពូជឈ្មោះ សែនពិដោរ ដែលជាពូជស្រូវស្រាលចំនួន១តោនកន្លះ ត្រូវបានយកទៅផ្ដល់ជូនកសិករ ចំនួន១៥០ គ្រួសារ ដែលកំពុងអនុវត្ដការធ្វើប្រពលវប្បកម្ម តាមគោលការណ៏ធម្មជាតិ ហៅកាត់ថាប.វ.ស នៅភូមិឈូកខ្សាច់ស្រុកបារាយណ៏ ដោយឯកឧត្តមបណ្ឌិត ច័ន្ទ សារុន រដ្ឋមន្ដ្រី ក្រសួងកសិកម្ម រុក្ខាប្រមាញ់ និងនេសាទ កាលពីពេលថ្មីៗនេះ។
ឯកឧត្តមរដ្ឋមន្ដ្រី បានអញ្ជើញទៅទីនោះ ដើម្បីលើកទឹកចិត្ដដល់កសិករ ដែលអនុវត្ដន៏ ប.វ.ស ក៏ដូចជាការលើកទឹកចិត្ដ ដល់កសិករ នៅទីកន្លែងផ្សេងទៀត ឱ្យធ្វើការ ផ្លាស់ប្ដូរ ទម្លាប់ និងបច្ចេកទេស ក្នុងការធ្វើកសិកម្មប្រយោជន៏ដើម្បី ឱ្យកសិករទទួលបានទិន្នផលខ្ពស់ និងមានចំណូលច្រើន។
ឯកឧត្តមបានបន្ដទៀតថា កសិករនៅភូមិឈូកខ្សាច់ ឃុំឈូកខ្សាច់បាននឹងកំពុងអនុវត្ដប.ស.វប្រកបដោយជោគជ័យ។ ដូនេះឯកឧត្តមរដ្ឋមន្ដ្រីបានទៅទីនោះ ដើម្បីពិនិត្យមើលថា តើកសិករធ្វើត្រឹមត្រូវតាមបច្ចេកទេសឬអត់? មានអ្វីដែលត្រូវកែលម្អទាំងបច្ចេកទេស ទាំងស្មារតីពង្រីកការងារអនុវត្ដន៏ ប.វ.ស។
មន្ដ្រីដែលបានឱ្យដឹងថាទៀតថា នៅក្នុងឱកាសនោះ ឯកឧត្តមរដ្ឋមន្ដ្រីបានរំលឹកដល់កសិករឱ្យចាប់អារម្មណ៏ទៅលើចំណុចមួយចំនួន ដែលក្នុងនោះមានការប្រើប្រាស់ពូជដែលសុទ្ធល្អ ព្រោះធ្វើឱ្យទិន្នផលទិន្នផលកើនឡើងពី១៥ទៅ២០ភាគរយ។ កាត់បន្ថយបរិមាណនៃការប្រើតាមរយះការប្រើប្រាស់ឧបករណ៏។ ការប្រើជីធម្មជាតិជំនួសជីគីមី។ ការថែទាំទឹក។ ការកម្ចាត់ស្មៅ និងសត្វល្អិតចង្រៃ។ ការប្រើប្រាស់ទឹក។ ការធ្វើដី។ ការសាប និងដកសំណាបយកទៅស្ទូងដោយការសាបកុំរង់ចាំទឹកដែលធ្វើឱ្យសំណាប់ចាស់។ បើយកសំណាបចាស់ទៅស្ទូងត្រូវចាប់ធំ និងស្ទូងឱ្យញឹកទើបបានផល។
ឯកឧត្តមរដ្ឋមន្ដ្រីបានជំរុញឱ្យកសិករប្ដូរទស្សនៈ ពីការរំពឹងលើធ្វើស្រែតែមួយមុខ ដោយត្រូវបង្កើតមុខរបរផ្សេងទៀតដូចជាដាំ ដំណាំ ចិញ្ចឹមសត្វ ឬអ្វីផ្សេងទៀត។ ឯកឧត្តមបានស្នើឱ្យមន្ទីរកសិកម្មខេត្ដ ត្រូវជ្រើសរើសកសិករគំរូដើម្បីធ្វើជាគ្រូបង្គោលក្នុងភូមិដោយបញ្ជូនឱ្យទៅសិក្សាយកបទពិសោធន៏ទៅស្រុកត្រាំកក់ ឬតំបន់ផ្សេងៗដើម្បីបង្កើនចំណេះដឹង និងបទពិសោធន៏សម្រាប់ការងារកសិកម្មដោយរាល់ការចំណាយជាបន្ទុករបស់ឯកឧត្តមរដ្ឋមន្ដ្រីផ្ទាល់៕
