ព័ត៌មានផ្សេងៗទៀត
ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ចុះដល់ទីស្នាក់ការកម្មវិធីព្រៃការពារ និងអភិរក្សជីវចម្រុះសីម៉ា នៅខេត្តមណ្ឌលគីរី ថ្ងៃទី១៥ ខែឧសភា ឆ្នាំ២០១៦
ចេញផ្សាយ ៩ កុម្ភៈ ២០១៨ 4116
នៅព្រឹកថ្ងៃទី១៥ ខែឧសភា ឆ្នាំ២០១៦ ឯកឧត្តម វេង សាខុន រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ រួមដំណើរដោយ ឯកឧត្ដម លោកជំទាវថ្នាក់ដឹកនាំ និងអស់លោក លោកស្រីមន្ត្រីជំនាញក្រសួង បានចុះដល់ទីស្នាក់ការកម្មវិធីព្រៃការពារ និងអភិរក្សជីវចម្រុះសីម៉ា ខេត្តមណ្ឌលគីរី។ ក្រោយពីបានស្តាប់របាយការណ៍សកម្មភាពការងារពីសំណាក់មន្ត្រីរដ្ឋបាលព្រៃឈើនៃកម្មវិធីរួចមក ឯកឧត្តមរដ្ឋមន្ត្រី បានកោតសរសើរចំពោះកិច្ចខិតខំបំពេញភារកិច្ច ការតស៊ូ និងលះបង់ខ្ពស់របស់មន្ត្រីកម្មវិធីក្នុងការការពារព្រៃការពារ និងអភិរក្សជីវចម្រុះសីម៉ា។ ជាក់ស្តែង មន្ត្រីយើងបានធ្វើការល្បាត ត្រួតពិនិត្យ និងបង្ក្រាបបទល្មើសព្រៃឈើបានរាប់ពាន់ករណី ព្រមទាំងសង្គ្រោះសត្វព្រៃបានជាច្រើនទៀតផង។ ឯកឧត្តមរដ្ឋមន្ត្រីបានរំលឹកដាស់តឿនឲ្យមន្ត្រីប្រចាំការ យកចិត្តទុកដាក់ថែទាំសុខភាព និងមានការប្រុងប្រយ័ត្នខ្ពស់ចំពោះសុវត្ថិភាពនៅពេលបំពេញការងារ។បន្ទាប់មក ឯកឧត្តមរដ្ឋមន្ត្រី និងមន្ត្រីអមដំណើរបានចុះពិនិត្យវត្ថុតាងបទល្មើសព្រៃឈើដែលបានបង្ក្រាបនិងរឹបអូស រួមមាន៖ មធ្យោបាយដឹកជញ្ជូន រណាយន្ត និងឈើជាច្រើន។ ឯកឧត្តមរដ្ឋមន្ត្រីបានអំពាវនាវដល់ស្ថាប័នតុលាការជំរុញការជម្រះក្ដី លើសំណុំរឿងបទល្មើសព្រៃឈើរបស់កម្មវិធីការពារ និងអភិរក្សព្រៃជីវចម្រុះសីម៉ាឲ្យបានឆាប់ ព្រោះវត្ថុតាងបទល្មើសឃាត់ទុកទាំងនោះកំពុងខូចខាតជាបណ្ដើរៗហើយ។
In the morning of 15 May 2016, H.E Veng Sakhon, Minister of Agriculture, Forestry and Fisheries, and the accompanied delegates paid a visit at "Seima" Protection Forest and Biodiversity Conservation Program headquarter, located at Keo Seima, Mondulkiri province. After listening to the program's report, H.E Minister expressed his appreciation to the Program's Forestry Administration officials for their efforts and dedication to protecting the "Seima" forest. There were thousands of forest and wildlife illegal cases had been cracked down by our program's officials. H.E. Minister advised the officials to take good care of their health and pay high attention to their safety during their mission.The delegation, then guided by the program's officers, went on to observe confiscated illegal items, including transportation means, chain saws and timbers etc. H.E Minister took that occasion to urge the court to expedite resolving the program's filed cases as the confiscated stuffs had gradually been rotted over time.
