កិច្ចប្រជុំឆ្លងលទ្ធផលសវនកម្មស្ដីពីសម្បទានដីសេដ្ឋកិច្ច ចំនួន ៨ ក្រុមហ៊ុន

ចេញ​ផ្សាយ​ ២០ វិច្ឆិកា ២០២៥ 737

ទីស្តីការក្រសួងកសិកម្ម រុក្ខាប្រមាញ់ និងនេសាទ៖ ថ្ងៃពុធ ១៤រោច ខែកត្តិក ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៩ ខែវិច្ឆិកា ឆ្នាំ២០២៥ វេលាម៉ោង ៨:៣០នាទីព្រឹក នាយកដ្ឋានសវនកម្មផ្ទៃក្នុង សម្របសម្រួលរៀបចំកិច្ចប្រជុំឆ្លងសេចក្តីព្រាងលទ្ធផល ជាមួយប្រតិភូអាជ្ញាធរសវនកម្មជាតិ អំពីលទ្ធផលសវនកម្មលើការអនុវត្តកិច្ចសន្យា ស្ដីពីការវិនិយោគដាំដំណាំកសិ-ឧស្សាហកម្ម រវាងក្រសួងកសិកម្ម រុក្ខាប្រមាញ់ និងនេសាទ ជាមួយក្រុមហ៊ុនសម្បទានដីសេដ្ឋកិច្ច ចំនួន ៨ ក្រុមហ៊ុន ដឹកនាំដោយលោក ឃន សារ៉េត អគ្គលេខាធិការរង តំណាង ឯកឧត្តម អ៊ុង សំអាត រដ្ឋលេខាធិការ និងជាប្រធានលេខាធិការដ្ឋានបច្ចេកទេសសម្រាប់សម្បទានដីសេដ្ឋកិច្ច និងដោយមានការអញ្ជើញចូលរួមពីតំណាងរដ្ឋបាលព្រៃឈើ,
តំណាងនាយកដ្ឋានគណនេយ្យ ហិរញ្ញវត្ថុ, តំណាងនាយកដ្ឋានផែនការ និងស្ថិតិ និងតំណាងក្រុមហ៊ុនសម្បទានដីសេដ្ឋកិច្ចទាំង ៨ ក្រុមហ៊ុន។