Other News
លែងកូនត្រីជិតមួនម៉ឺនក្បាលនៅស្រះសហគមន៏ត្រពាំងខន
ចេញផ្សាយ ២២ មករា ២០១៨ 4245
កូនត្រីចំនួន៧០ពាន់កូន និងមេត្រីពូជចំនួន១២០គឺឡូក្រាម ត្រូវបានលែងទៅក្នុងស្រះសហគមន៏ត្រពាំងខន ឃុំត្រពាំងធំ ខាងត្បូង ស្រុកត្រាំកក់ កាលពីពេលថ្មីៗនេះ ក្រោមការចូលរួម របស់ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ព្រមទាំងអ្នកភូមិជាច្រើនរយនាក់។
ពិធីនេះត្រូវរំលឹកប្រាប់អ្នកភូមិថា មិនមែនសម្រាប់តែរដូវវស្សាទេ ដែលគេត្រូវយកចិត្តទុកដាក់ចិញ្ចឹមត្រីនោះ ដោយឡែកពេលនេះ ក៏អាចធ្វើបានដែរឲ្យតែមានទីកន្លែងមានទឹក និងមានការចូលរួមថែរក្សាការពារធនធានធម្មជាតិនេះ។
លោក អេង ជាសាន មន្ត្រី្កក្រុមការងាររបស់ឯកឧត្តមរដ្ឋមន្ត្រី ដែលចុះជួយឃុំនេះ បានពន្យល់ថាការលែងត្រីនៅទីនេះ ក៏ព្រោះទីនេះមានលក្ខណៈសម្បត្តិល្អ សម្រាប់ការអភិរក្សពូជត្រី។
ទីនេះមានប្រព័ន្ធប្រឡាយឆ្លងទៅកាន់វាលស្រែ។ ឯកឧត្តម បានអំពាវនាវ ដល់អ្នកភូមិកុំឲ្យមកនេសាទនៅទីនេះ ដើម្បីទុកឲ្យមេត្រីពូជពងកូនសិន។
ចំណែកឯកឧត្តមបណ្ឌិត ច័ន្ទ សារុន បានប្រាប់ដល់ប្រជាជនថា ត្រីជាស្បៀងមួយយ៉ាងសំខាន់ សម្រាប់ប្រជាជនកម្ពុជា មិនថានៅជនបទឫទីក្រុងទេ។ ធនធានត្រីធម្មជាតិ ក៏បានប្រឈមនឹងការបាត់បង់ដោយសារសម្ពាធ ពីមនុស្សដែលចេះតែកើនឡើង និងការនេសាទអនាធិបតេយ្យ ដោយប្រើឧបករណ៍ប្រកបដោយគ្រោះថ្នាក់ ។
ឯកឧត្តមបណ្ឌិត ច័ន្ទ សារុន បានអំពាវនាវដល់គ្រប់ប្រជាជនកម្ពុជា ជួយថែរក្សាជួយការពារ និងអភិរក្សធនធានេះ ជាមួយនឹងការជំរុញវារីវប្បកម្ម ឲ្យកាន់តែច្រើនថែមទៀត។
រួមគ្នាការនេសាទខុសច្បាប់។ ឯកឧត្តមបណ្ឌិត ច័ន្ទ សារុន បានប្រាប់អ្នកភូមិផងដែរ អំពីលទ្ធផលនៃការងារបង្កបង្កើនផល ដែលក្នុងនោះឯកឧត្តមបណ្ឌិត ច័ន្ទ សារុនបានសំណូមពរ ឲ្យកសិករពង្រីកមុខរបរថែមទៀត ដោយមិនត្រូវពឹងផ្អែកលើដំណាំស្រូវតែមួយមុខ។
ពោលក្រោយច្រូតកាត់រួចកន្លែង ដែលមានលទ្ធភាព ត្រូវតែបង្វែរនៅដាំដំណាំផ្សេងទៀតបន្ថែម និងចិញ្ចឹមសត្វ ចញ្ចឹមត្រីជាដើម។ ការធ្វើស្រែក៏ត្រូវជ្រើសរើសពូជដោយត្រូវប្រើប្រាស់ពូជស្រូវទាំង១០មុខ ដែលរាជរដ្ឋាភិបាលបានសម្រេចរួចហើយ។ ឯកឧត្តមបណ្ឌិត ច័ន្ទ សារុន បានជំរុញមន្ត្រីរបស់ឯកឧត្តម ឲ្យចុះទៅកាន់តែច្រើនដើម្បីផ្សព្វផ្សាយជូនកសិករពីរបៀប ដាំដុះនិងការប្រើពូជស្រូវទាំង១០មុខនោះ៕
