ឯកឧត្តមរដ្ឋលេខាធិការ ចាន់ ចេស្ដា អញ្ជើញដឹកនាំក្រុមការងារចុះពិនិត្យវឌ្ឍនភាពហេដ្ឋារចនាសម្ព័ន្ធ ដែលទទួលបានការគាំទ្រដោយគម្រោង(CFAVC) ជាមួយគណៈប្រតិភូធនាគារអភិវឌ្ឍន៍អាស៊ី នៅខេត្តកំពត

ចេញ​ផ្សាយ​ ៦ តុលា ២០២៦ 640

នាថ្ងៃទី៥ ខែតុលា ឆ្នាំ២០២៦ ឯកឧត្តមរដ្ឋលេខាធិការ ចាន់ ចេស្តា និងជាប្រធានគណៈកម្មាធិការតម្រង់ទិសគម្រោង(CFAVC) បានដឹកនាំក្រុមការងារចុះពិនិត្យវឌ្ឍនភាពហេដ្ឋារចនាសម្ព័ន្ធ ដែលទទួលបានការគាំទ្រដោយគម្រោង(CFAVC) ជាមួយគណៈប្រតិភូធនាគារអភិវឌ្ឍន៍អាស៊ីដឹកនាំដោយលោកស្រី Stefania Dina, Director of Agriculture, Food, Nature and Rural Development នៅសហគមន៍កសិកម្មទំនើបសែនហានចម្រើនផល ខេត្តកំពត។
ក្នុងដំណើរចុះពិនិត្យនេះ មានការចូលរួមអមដំណើរពី ឯកឧត្តមអនុរដ្ឋលេខាធិការ សៀក ឡេង នាយកគម្រោង(CFAVC/MAFF) ឯកឧត្តមអនុរដ្ឋលេខាធិការ អ៊ឹង វណ្ណា នាយករងគម្រោង(CFAVC/MRD) លោក កើត កិត្តិនាថ ប្រធានគ្រប់គ្រងគម្រោង(CFAVC/MAFF) លោក អ៊ឹម សួស្ដី ប្រធានគ្រប់គ្រងគម្រោង(CFAVC/MoWRAM) លោក ហែម ចាន់ធូ មន្ត្រីជាន់ខ្ពស់នៃធនាគារ ADB រួមទាំងលោកប្រធានមន្ទីរកសិកម្មខេត្តកំពត មន្ត្រីជំនាញ និងទីប្រឹក្សាគម្រោង អាជ្ញាធរដ្ឋានមូលដ្ឋាន មន្រ្តីកសិកម្មឃុំ ព្រមទាំងសមាជិក សមាជិកា សហគមន៍កសិកម្មទំនើបសែនហានចម្រើនផល។
សូមបញ្ជាក់ថា បេសកកម្មនេះរៀបចំឡើងក្នុងគោលបំណងចុះពិនិត្យទីតាំងជាក់ស្តែង លើហេដ្ឋារចនាសម្ព័ន្ធដែលទទួលបានគាំទ្រដោយគម្រោង(CFAVC) រួមមាន៖ ផ្លូវធ្វើដំណើរនៅទីជនបទ ឃ្លាំងស្ដុក ស្រះទឹក ឡជីវឧស្ម័ន និងរោងជី ដែលរួមចំណែកជួយដល់ជីវភាពរបស់សមាជិកសហគមន៍កសិកម្មទំនើបសែនហានចម្រើនផល ជាពិសេសលើកកម្ពស់ខ្សែច្រវាក់ផលិតកម្មកសិកម្មស្របតាមបរិបទនៃការប្រែប្រួលអាកាសធាតុ៕