ព័ត៌មានផ្សេងៗទៀត
ឯកឧត្តមរដ្ឋមន្ដ្រី ឌិត ទីណា ដឹកនាំកិច្ចប្រជុំស្តីពីការរៀបចំផែនការតម្រូវការអភិវឌ្ឍស្តង់ដារកម្ពុជាលេីវិស័យពាក់ព័ន្ធ និងថវិកាគាំទ្រចាំបាច់សម្រាប់ ២០២៥-២០៣០
ចេញផ្សាយ ៦ ធ្នូ ២០២៤ 2387
នារសៀលថ្ងៃទី០៥ ខែធ្នូ ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំស្តីពីការរៀបចំផែនការតម្រូវការអភិវឌ្ឍស្តង់ដារកម្ពុជាលេីវិស័យពាក់ព័ន្ធ និងថវិកាគាំទ្រចាំបាច់សម្រាប់ ២០២៥-២០៣០ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។
ក្នុងកិច្ចប្រជុំនេះ ឯកឧត្តមរដ្ឋមន្ដ្រី បានណែនាំដល់អង្គប្រជុំត្រូវពិនិត្យរួមគ្នាដោយត្រៀមនូវការធ្វេីស្តង់ដារមួយមានសុវត្ថិភាព និងមានគុណភាពខ្ពស់ ដោយអាស្រ័យទៅលេីទំនិញសក្តានុពលជាក់ស្តែង ជាពិសេសអាចជួយដល់ការផលិតរបស់ប្រជាកសិករប្រចាំថ្ងៃ និងជួយលេីកកម្ពស់ជីវភាពរបស់ប្រជាកសិករឱ្យមានភាពប្រសេីរឡេីង។
ក្នុងការងារនេះ ឯកឧត្តមរដ្ឋមន្ដ្រី បានគូសបញ្ជាក់ថាក្រុមការងារជំនាញត្រូវពិនិត្យមេីលពីតម្រូវការចាំបាច់ និងប្រេីប្រាស់ស្តង់ដារនេះជាក់លាក់ឱ្យមានប្រយោជន៍ មានយន្តការច្បាស់លាស់ និងបម្រេីដល់ការប្រកួតប្រជែងនៅលេីទីផ្សារពិតប្រាកដ។ លេីសពីនេះ ឯកឧត្តមរដ្ឋមន្ដ្រី បានផ្តល់អនុសាសន៍ឱ្យមានការផ្តោតទៅលេីការធ្វេីស្តង់ដារកសិផល មួយមុខ រឺពីរមុខឱ្យចំគោលដៅ មានលទ្ធផលល្អ មានស្តង់ដារជាក់លាក់ មានការទទួលស្គាល់ និងអាចផ្សព្វផ្សាយពីគុណភាព រសជាតិ និងទំហំ ដោយមិនផ្តោតទៅលេីបរិមាណនៃការធ្វេីស្តង់ដារកសិផលច្រេីនឡេីយ៕
