ឯកឧត្តមអនុរដ្ឋលេខាធិការ ខាត់ សុធី អញ្ជើញជាអធិបតីភាព ក្នុងពិធី ចែកកុំព្យូទ័របន្ទះ(Tablet)ដល់មន្ត្រីកសិកម្មឃុំ-សង្កាត់ថ្មី ខេត្តព្រះវិហារ ឧត្តរមានជ័យ បន្ទាយមានជ័យ និងខេត្តបាត់ដំបង

ចេញ​ផ្សាយ​ ២០ វិច្ឆិកា ២០២៥ 608

នៅថ្ងៃទី២០ ខែវិច្ឆិកា ឆ្នាំ២០២៥ ឯកឧត្តម ខាត់ សុធី អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ អញ្ជើញជាអធិបតីភាព ក្នុងពិធីចែក កុំព្យូទ័របន្ទះ(Tablet)ដល់មន្ត្រីកសិកម្មឃុំសង្កាត់ថ្មី ខេត្តព្រះវិហារ ឧត្តរមានជ័យ បន្ទាយមានជ័យ និងខេត្តបាត់ដំបង ។ 
កម្មវិធីនេះរៀបចំឡើងដោយ មជ្ឈមណ្ឌលព័ត៌មាន និងឯកសារកសិកម្ម និងនាយកដ្ឋាន ផ្សព្វផ្សាយកសិកម្ម រុក្ខាប្រមាញ់ និងនេសាទ សហការ ជាមួយមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ និង ក្រុមហ៊ុនអភិវឌ្ឍកម្មវិធី Farmbook app ហៅកាត់ថាខេមម៉ុប CAM MOB  ដោយមានជាការធ្វើ បទបង្ហាញពីការប្រើប្រាស់ Farmbook app ដល់មន្រ្តីកសិកម្មឃុំ-សង្កាត់ ជំនាន់ទី៣ ចំនួន៤០នាក់ (ស្រ្តី១៩នាក់) អ្នកចូលរួមសរុបចំនួន ៤៨នាក់។ 
នាឱកាសនោះ ឯកឧត្តមខាត់ សុធី បានគូសបញ្ជាក់ថា ការផ្តល់ជូន កុំព្យូរទ័រ បន្ទះ (TABLET)នេះ គឺដើម្បីជួយសម្រួលការអនុវត្តការងារប្រចាំថ្ងៃ របស់ មន្រ្តីកសិកម្មឃុំ-សង្កាត់ ឱ្យកាន់តែមានប្រសិទ្ធភាព និងការប្រើប្រាស់ កម្មវិធី Farmbook app ក្នុងការប្រមូលទិន្នន័យកសិកម្ម តម្លៃកសិផល របស់ប្រជា កសិករ នៅតាមមូលដ្ឋានឃុំសង្កាត់ ឱ្យកាន់តែមានភាពល្អ ប្រសើរបន្ថែម ទៀត។
សូមបញ្ជាក់ថា គិតមកដល់ពេលនេះ ក្រសួងកសិកម្ម រុក្ខាប្រមាញ់ និង​នេសាទ បានផ្តល់ជូនកុំព្យូរទ័របន្ទះ (TABLET)សរុបចំនួន​១២៩០ដល់​មន្រ្តីកសិកម្មឃុំ-សង្កាត់ ទាំងមន្រ្តីចាស់ និងថ្មី ។​ ជាមួយគ្នានោះក្រសួង​នឹងបន្ត​ផ្តល់ជូនរហូតដល់គ្រប់ចំនួន១៦០០ជូនដល់មន្រ្តីកសិកម្មឃុំ-សង្កាត់​ទូទាំងប្រទេស៕