ឯកឧត្តមបណ្ឌិតរដ្ឋលេខាធិការ យ៉ង សាំង កុមារ អញ្ជើញដឹកនាំ​ប្រជុំជាមួយ​មន្ត្រីកសិកម្មឃុំ-សង្កាត់ ទូទាំងខេត្តព្រះវិហារ ដើម្បីពិភាក្សាការងារសម្រប​សម្រួល​ទីផ្សារស្រូវ

ចេញ​ផ្សាយ​ ២០ វិច្ឆិកា ២០២៥ 1407

នៅថ្ងៃទី២០ ខែវិច្ឆិកា ២០២៥ ឯកឧត្តមបណ្ឌិតយ៉ង សាំង កុមារ រដ្ឋលេខា​ធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំ​ប្រជុំ​ជាមួយ​​មន្ត្រីកសិកម្មឃុំទូទាំងខេត្តព្រះវិហារ ដោយមានការអញ្ជើញចូលរួម​ពីលោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារផងដែរ។ 
កិច្ចប្រជុំពិភាក្សាបានផ្តោតលើប្រធានបទសំខាន់ៗរួមមាន៖ ការសម្រប​សម្រួល ទីផ្សារស្រូវ ដើម្បីជួយកសិករទទួលបានតម្លៃសមរម្យ ការយកចិត្ត​ទុកដាក់លើ ការគ្រប់គ្រងស្ថិតិផលិតកម្ម ស្រូវ ដំឡូង និងស្វាយចន្ទី ដែលជា​កសិផល​សំខាន់បំផុតរបស់ខេត្ត ការជំរុញការអនុវត្ត ការភ្ជូរលុបជញ្រ្ជំង ដើម្បី​កាត់​បន្ថយការឆេះ សុវត្ថិភាពបរិស្ថាន បង្កើនជីជាតិដី កាត់បន្ថយចំណាយ​លើជី បង្កើនសំណើមក្នុងដី និង កាត់បន្ថយបញ្ហាស្មៅ។
នាឱកាសនោះដែរ ឯកឧត្តមបណ្ឌិត បណ្ឌិតយ៉ង សាំង កុមារ ​ក៏បាន​ការ​លើកឡើង ទាក់ទងការផលិត និងការ​ប្រើប្រាស់ជី​កំប៉ុស្ត(Compost)ជីធ្យូងជីវ (Biochar Fertilizer) ការប្រើពូជ​សុទ្ធ​តាមគោលការណ៍ស្រែល្អ ដើម្បីបង្កើនទិន្នផល គុណភាពស្រូវ និងកាត់បន្ថយ​ចំណាយជីគីមី និង ថ្នាំកសិកម្ម ដែលចូលរួមចំណែកពង្រឹង និងពង្រីក​កសិកម្ម​​សរីរាង្គនៅទូទាំងខេត្តផងដែរ៕