Other News
ឯកឧត្តមបណ្ឌិតរដ្ឋលេខាធិការ យ៉ង សាំង កុមារ អញ្ជើញដឹកនាំកិច្ចប្រជុំតម្រង់ទិសការងារដល់មន្ត្រីកសិកម្មឃុំ-សង្កាត់ ខេត្តកណ្តាលដើម្បីបង្កើនប្រសិទ្ធភាពការងារបម្រើកសិករ
ចេញផ្សាយ ៧ មេសា ២០២៦ 31
នៅថ្ងៃទី៧ ខែមេសា ឆ្នាំ២០២៦ ឯកឧត្តមបណ្ឌិត យ៉ង សាំង កុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំកិច្ចប្រជុំជាមួយមន្ត្រីកសិកម្មឃុំ-សង្កាត់ ខេត្តកណ្តាល ដោយផ្តោតសំខាន់ លើការផ្តល់ដំណោះស្រាយបច្ចេកទេសជូនកសិករ ដើម្បីបង្កើនប្រសិទ្ធភាពផលិតកម្មស្រូវ ក្នុងស្ថានភាពដែលតម្លៃជី និងប្រេងសាំង ម៉ាស៊ូតកំពុងកើនឡើងតម្លៃ។
កិច្ចប្រជុំនេះ មានការអញ្ជើញចូលរួមពី ឯកឧត្តម ខាត់ សុធី អនុរដ្ឋលេខាធិការ លោក ធុច ផល្លា ប្រធាននាយកដ្ឋានផ្សព្វផ្សាយកសិកម្ម លោក ប៊ុនទួន ស៊ីមូនា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកណ្តាល រួមជាមួយមន្ត្រីកសិកម្មឃុំ-សង្កាត់ ខេត្តកណ្តាល សរុបចំនួន១១៥នាក់។
នាឱកាសនោះ ឯកឧត្តមបណ្ឌិត យ៉ង សាំង កុមារ បានណែនាំដល់មន្ត្រីកសិកម្មឃុំ-សង្កាត់ ទាំងអស់ឱ្យជំរុញផលិតកម្មបន្លែសុវត្ថិភាព ដើម្បីធានាបាននូវការផ្គត់ផ្គង់ទៅកាន់ទីផ្សារនៅរាជធានីភ្នំពេញ ព្រមទាំងមានគុណភាព និងសុវត្ថិភាពសម្រាប់អ្នកប្រើប្រាស់។ បន្ថែមពីនេះត្រូវគិតលើការផលិតដោយកាត់បន្ថយជីថ្នាំគីមី ងាកមកបង្កើនការប្រើប្រាស់ជីថ្នាំធម្មជាតិ ដែលកសិករអាចផលិតខ្លួនឯងបាន ដើម្បីសុវត្ថិភាព គុណភាព និងកាត់បន្ថយថ្លៃដើមផលិតបានច្រើន៕
