Other News
ពិនិត្យស្រូវស្រាលដើមរដូវលើផ្ទៃដី៥ហិកតាដោយប្រើឧបករណ៏ពង្រោះ
ចេញផ្សាយ ២២ មករា ២០១៨ 5109
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសូងកសិកម្ម រុក្ខាប្រមាញ់ នេសាទ បានអញ្ជើញទៅពិនិត្យមើលស្រូវស្រាលដើមរដូវ ដោយប្រើឧបករណ៏ពង្រោះ របស់កសិករ នៅភូមិឬស្សីជួរខាងជើង ឃុំក្រោលគោ ស្រុកស្វាយជ្រុំ (តំបន់ប្រឡាយកូនភ្លោះ) កាលពីចុងសប្តាហ៍កន្លងទៅនេះ។
តំណាងកសិករ បានជម្រាបឯកឧត្តមរដ្ឋមន្ត្រីថា ទិន្នផលបច្ចុប្បមានការកើនឡើងដល់២,៣តោន ក្នុងមួយហិកតា បើធៀបទៅនឹងកាលពីមុន ទិន្នផលបានត្រឹមតែ ១.៨ ហិតតាប៉ុណ្តោះ។ នៅចំពោះមុខកសិករនាទីនោះ ឯកឧត្តមរដ្ឋមន្ត្រី បានលើកទឹកចិត្ត ឲ្យមន្ទីកសិកម្មចុះមកជួយកសិករ ឲ្យបានកាន់តែញឹកញាប់ ដើម្បីឲ្យទិន្នផលនឹងកើនឡើង ដល់២,៧តោនក្នុង១ហិកតានៅឆ្នាំ២០១២។ មន្ទីរកសិកម្ម ត្រូវចុះមកជួយកសិករ ឲ្យបានញឹកញាប់ ដើម្បីទទួលបានផលឲ្យកាន់តែច្រើន។ ឯកឧត្តមបានរំលឹកកសិករទៀតថា ត្រូវធ្វើស្រែឲ្យបាន២ដងនិងដាំដំណាំបន្ថែម។
អាស្រ័យដោយស្ថានភាពដីនៅទីនោះជាដី ដែលមានជីជាតិជួរ សម្បូរអាស៊ីត ឯកឧត្តមរដ្ឋមន្ត្រី បានរំលឹកថា ដូចនេះចាំបាច់ត្រូវហាលដីឲ្យឆ្អិន (២អាទិត្យយ៉ាងតិច)។ មុនប្រើប្រាស់ជីគីមីត្រូវដឹង ពីរបៀបប្រើ។ ដីដែលមានរសជាតិជូរមិនត្រូវប្រើជី NPK ដែលមានជីផូស្វរឡើយ។ ដោយឡែក មន្ទីរកសិកម្មត្រូវ ធ្វើស្រែបង្ហាញថែមទៀត ដោយជួយស្រុកណា ដែលអន់ជាងគេ ឲ្យក្លាយជាស្រុកខ្លាំង បើខ្វះថវិកាសូមទៅរកឯកឧត្តម ដើម្បីជួយដោះស្រាយជួន។
ត្រូវនាំកសិករស្ម័គ្រចិត្ត ទៅមើលពីរបៀបនៃការចិញ្ចឹមមាន់ គា ក្របី ធ្វើស្រែ បវសដើម្បីឲ្យប្រជាកសិករ អាចចាប់យកជំនាញមួយណាច្បាស់លាស់ ដោយក្រសួងកសិកម្ម ចេញថវិកាឲ្យទៅទស្សនកិច្ច តែកសិករត្រូវបេ្តជ្ញាថា ធ្វើអ្វីមួយឲ្យបានក្រោយពីទស្សនកិច្ចនោះ។
ឯកឧត្តមរដ្ឋមន្ត្រី ក៏បានរំលឹកកសិករផងដែរ ទាក់ទងទៅនឹងការចិញ្ចឹមសត្វ។ ឯកឧត្តមបានបញ្ជាក់ថា កាចិញ្ចឹមគោ ក្របី ឈប់លែងពាសវាលពាសកាល ព្រោះការចិញ្ចឹមលែងដែលវាបង្កឲ្យគោមានសុខភាពមិនល្អ ។ ត្រូវប្តូរពូជ និងប្តូរទស្សនៈពីការចិញ្ចឹម សម្រាប់ផ្គត់ផ្គង់គ្រួសារទៅជាការចិញ្ចឹម ដើម្បីធ្វើពាណិជ្ជកម្ម។ ពង្រីបចេ្ចកទេសពូជគោសិប្បនិម្មិត។ ពេទ្យសត្វពង្រីកការងារដាំស្មៅចំណីសត្វ។
ឯកឧត្តមរដ្ឋមន្ត្រី ក៏បានផ្តល់ជូនកសិករ ដែលចូលរួមជាង១០០គ្រួសារ នូវសៀវភៅពូជស្រូវ១០មុខ ដែលក្នុងមួយគ្រួសារទទួលសៀវភៅ១ក្បាល ស្មៅចំណីសត្វ១បាច់ សារុង១ និងចបកាប់១៕
