ថ្នាក់ដឹកនាំក្រសួងកសិកម្ម អញ្ជើញចូលរួមមហាសន្និបាតកំណើតដំបូងសហគមន៍កសិកម្មទំនើប នៅឃុំបន្ទាយព្រាល ស្រុករលាប្អៀរ

ចេញ​ផ្សាយ​ ៣ កញ្ញា ២០២៦ 443

នៅថ្ងៃទី២ ខែកញ្ញា ឆ្នាំ២០២៦ ឯកឧត្តម ឱម គឹមស៊ា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានអនុវត្តគម្រោងលើកកម្ពស់ជីវភាព ប្រកបដោយប្រសិទ្ធភាពសេដ្ឋកិច្ច ដើម្បីកាត់បន្ថយភាពងាយរងគ្រោះ និងពង្រឹងភាពធន់ (EMPOWER) ប្រចាំស្រុករលាប្អៀរ បានអញ្ជើញចូលរួមមហាសន្និបាតកំណើតដំបូងសហគមន៍កសិកម្មទំនើប នៅឃុំបន្ទាយព្រាល ស្រុករលាប្អៀរ ខេត្តកំពង់ឆ្នាំ ក្រោមកិច្ចសហការជាមួយនាយកដ្ឋានអភិវឌ្ឍន៍សហគមន៍ ដោយមានសមាសភាពចូលរួមសរុបចំនួន ១៣៤នាក់។
មហាសន្និបាតនេះ រៀបចំឡើងក្នុងគោលបំណងបោះឆ្នោតជ្រើសរើសថ្នាក់ដឹកនាំសហគមន៍ និងអនុវត្តនីតិវិធីចាំបាច់មួយចំនួនទៀត ដើម្បីឈានទៅបង្កើតសហគមន៍កសិកម្មទំនើបផ្លូវការ។
ជាលទ្ធផលនៃមហាសន្និបាត ក្រុមការងារបានសម្រេចកំណត់យកឈ្មោះ «សហគមន៍កសិកម្មទំនើប៦ឃុំ ដំណាំ និងសត្វ»ក្រុមប្រឹក្សាភិបាល មានសមាជិកជ្រើសរើសសរុប ៧នាក់ ក្នុងនោះមានប្រធាន  អនុប្រធាន និងសមាជិក។
ឯកឧត្តម ឱម គឹមស៊ា រដ្ឋលេខាធិការ បានគូសបញ្ជាក់ថា ការបង្កើតសហគមន៍កសិកម្មទំនើបនេះ នឹងចូលរួមចំណែកយ៉ាងសំខាន់ក្នុងការលើកកម្ពស់ជីវភាពរបស់ប្រជាកសិករ ពង្រឹងខ្សែច្រវាក់ផលិតកម្មដំណាំ និងសត្វ ព្រមទាំងបង្កើនភាពធន់ និងប្រសិទ្ធភាពសេដ្ឋកិច្ចនៅក្នុងមូលដ្ឋានស្រុករលាប្អៀរ ខេត្តកំពង់ឆ្នាំងទាំងមូល៕