ព័ត៌មានផ្សេងៗទៀត
ឯកឧត្តមរដ្ឋមន្ត្រីប្រាប់មន្ត្រីកសិកម្មពីការត្រូវធ្វើអ្វីខ្លះសម្រាប់ជំរុញការនាំអង្ករចេញឆ្នាំ២០១៥
ចេញផ្សាយ ២២ មករា ២០១៨ 4343
ឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានប្រាប់ទៅមន្ត្រីរបស់ឯកឧត្តម អំពីសកម្មភាពមួយចំនួន ដែលតត្រូវអនុវត្តពីពេលនេះទៅដើម្បីជាការត្រៀមខ្លួនសម្រាប់ការនាំអង្ករចេញ១តោន នៅ២០១០ខាងមុខ។ មន្ត្រីខុទ្ទកាល័យឯកឧត្តមរដ្ឋមន្ត្រីបានប្រាប់ កាលពីថ្ងៃទី៤ ខែមីនានេះ ឯកឧត្តមបណ្ឌិតច័ន្ទ សារុន រដ្ឋមន្ត្រីក្រសួងកសិកម្ម រួមដំណើរជាមន្ត្រីថ្នាក់ដឹកនាំនាយកដ្ឋានជំនាញមួយចំនួនបានអញ្ជើញចូលរួមច្រូតស្រូវ និងជួបសំណេះសំណាលជាមួយប្រជាកសិករ១០០គ្រួសារនៅស្ថាននីយកសិកម្មទួលសំរោង ឃុំបឹងព្រីង ស្រុកថ្មគោល។
នៅទីនោះ ឯកឧត្តមរដ្ឋមន្ត្រី បានប្រាប់ទៅមន្ត្រីទទួលខុសត្រូវ តាមជំនាញនិមួយៗថា ដើម្បីទទួលបានជោគជ័យតាមផែនការរបស់រាជរដ្ឋាភិបាលក្នុងការជំរុញក្នុងការនាំអង្ករនៅឆ្នាំ២០១៥ ឲ្យបាន១តោនក្នុងមួយឆ្នាំនោះ យើងត្រូវទទួលនូវបចេ្ចកវិទ្យា ប. វ. ស ការប្រើប្រាស់ពូជ ជី ទឹក ការធ្វើដីនិងការថែរទាំ។ អនុវត្តតាមបចេ្ចកទេស ហើយត្រូវប្រកាន់ខ្ជាប់នូវការព្យាយាមមើលថែទាំស្រូវ។
ពូជជាកត្តាសំខាន់ក្នុងការបង្កើនទិន្នផលស្រូវ។ បើដូច្នេះមន្ទីរកសិកម្ម ខេត្តត្រូវចុះមកពន្យល់ណែនាំឲ្យប្រជាកសិករពូជ និងផ្សព្វផ្សាយពូជទាំង១០ ដែលក្រសួងបានបញេ្ចញរួចហើយ។ អគ្គនាយកដ្ឋានកសិកម្មនាយកដ្ឋានដំណាំស្រូវ ត្រូវរៀបចំកែលំអជួយជុលស្តារឡើងវិញគ្រប់ហេដ្ឋារចនាសម្ព័ន្ឋក្នុងស្ថានីយពង្រឹងសមត្ថភាពនិងបណ្តុះបណ្តាលធនធានមនុស្សបន្ថែមធ្វើយ៉ាងណាឲ្យស្ថានីយនេះដំណើរការឡើងវិញ ដើម្បីផលិតពូជផ្សព្វផ្សាយឲ្យបានគ្រប់គ្រាន់សម្រាប់តំបន់ពាយ័ព្យនេះ។
អគ្គនាយដ្ឋានកសិកម្ម មន្ទីរកសិកម្មរាជធានី ខេត្តត្រូវរៀបចំបញ្ជីសារពើភ័ណ ខ្ទង់ថវិការចំណាយប្រចាំឆ្នាំសម្រាប់ការិយាល័យគ្រឿងយន្តត្រូវមានធនធានមនុស្សឧបករណ៏សម្ភារះគ្រឿងចក្ររោងជាងជួសជុលត្រូវជុំរុញធ្វើយ៉ាងណាឲ្យដំណើរការឡើងវិញសមស្របទៅតាមតម្រូវការរបស់ប្រជាកសិករ និងទីផ្សាបច្ចុប្បន្ន។
ឯកឧត្តមរដ្ឋមន្ត្រីបន្តថា នាយកដ្ឋានក៏ត្រូវពង្រឹងសម្ថភាពធនធានមនុស្សឲ្យបានសមស្របតាមការអភិវឌ្ឍន៏ នៃការប្រើប្រាស់គ្រឿងចក្របំរើឲ្យវិស័យកសិកម្មរបស់កសិករកម្ពុជាធ្វើយ៉ាងណាមានគំនិតច្នៃប្រឌិតស្រាវជ្រាវកែច្នៃគ្រឿងចក្រ ឲ្យបានសមស្របទៅតាមស្ថានភាពភូមិសាស្ត្រ និងតំរួវការទីផ្សា ។
ចំពោះមន្ទីរកសិកម្មណាដែលមានគ្រឿងយន្តចាប់ពី១នាក់ឡើងទៅ ត្រូវរៀបចំទីមួយផែនការគណនេយ្យប្រចាំឆ្នាំឲ្យបានច្បាស់លាស់ ទី២ បណ្តុះបណ្តាលធនធានមនុស្ស និងរៀបចំក្រុមអន្តរាគមន៏សម្រាប់ជូយប្រជាកសិករនិងទី៣ រៀបចំការងាររដ្ឋបាលឲ្យបានត្រឹមត្រូវ នឹងរៀបចំផែនការអនុវត្តច្បាស់លាស់។ ក្រៅពីថវិការប្រចាំឆ្នាំរបស់រដ្ឋអគ្គនាយកដ្ឋានកសិកម្មត្រូវខិតខំស្វែងរកដៃគូអភិវឌ្ឍន៏ អង្កការក្រុមហ៊ុនបំណងស្នើសុំជំនួយទាំងថវិកា និងបចេ្ចកទេសធ្វើយ៉ាងណាជំរុញវិស័យនេះឲ្យដំណើរការឡើងវិញ។
សកលវិទ្យាល័យភូមិន្ទកសិកម្មក៏ត្រូវពង្រឹងសមត្ថភាពសាស្ត្រចារ្យ និស្សិតក្នុងការសិក្សាស្រាវជ្រាវ កែច្នៃគ្រឿងយន្តកសិកម្មឲ្យមានប្រសិទ្ឋភាពក្នុងការប្រើប្រាស់ និងសមស្របទៅតាមភូមិសាស្ត្ររបស់ប្រទេសកម្ពុជា។ ឯកឧត្តមរដ្ឋមន្ត្រីបានបញ្ជាក់ជាចុងក្រោយថា អគ្គនាយកដ្ឋានកសិកម្មក៏ដូចជាវិទ្យាស្ថានស្រាវជ្រាវ និងអភិវឌ្ឍន៏កសិកម្មកម្ពុជាត្រូវសហការគ្នាស្រាវជ្រាវស្វែងរកពីការខាតបង់ក្រោយពេលប្រមូលផល៕
