ព័ត៌មានផ្សេងៗទៀត
ពិព័រណ៍ផលិតផលនិងសេវាកម្មក្នុងស្រុកបានធ្វើនៅខេត្តស្វាយរៀង
ចេញផ្សាយ ២២ មករា ២០១៨ 4140
ពិព័រណ៍ផលិតផល និងសេវាកម្មក្នុងស្រុក បានធ្វើនៅក្នុងស្រុកមួយ ត្រូវបានធ្វើឡើងនៅខេត្តស្វាយរៀង កាលពីចុងសប្តាហ៍នេះ ក្រោមកាចួលរួម របស់ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ព្រមទាំងលោកអភិបាលខេត្ត តំណាងអង្គការ USAID មន្ត្រីរាជការ អ្នកមុខអ្នកការ គ្រប់មន្ទីរពាក់ព័ន្ធ ក្រោមឱវាទខេត្ត ព្រមទាំងផលិតករ អាជីវករ ជាច្រើននាក់។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម បានប្រសាសន៌ ចំពោះការរៀបចំពិព័រណ៍ផលិតផល និងសេវាកម្មក្នុងស្រុកនាថ្ងៃនេះ ដែលជាព្រឹត្តការណ៍មួយដ៏មានសារៈសំខាន់បំផុត ក្នុងន័យកែលម្អ ការលើកកម្ពស់ស្ថានភាពផលិតកម្ម ប្រកបដោយគុណភាពផលិតកម្ម ប្រកបដោយគុណភាព ស្របតាមស្តង់ដារជាតិ អន្តរជាតិកាផ្តល់ឱកាស ដើម្បើផ្សាររបស់ប្រជាកសិករសហគមន៍កសិកម្ម សម្រាប់ខ្សែចង្វាក់កសិ-ពាណិជ្ជកម្មខ្នាតតួច និងមធ្យម និងបង្កើនតម្លៃបន្ថែម ឲ្យកាន់តែល្អប្រសើរឡើងបង្កើតការងារក្នុងមួលដ្ឋាន កាត់បន្ថយចំណាកស្រុក បង្កើនគុណភាពជីវិត រស់នៅរបស់បងប្អូននៅជនបទឱកាន់តែល្អប្រសើរ។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម បានអំពាវនាវដល់អាជា្ញធរខេត្ត និងមន្ទីរបន្តកិច្ចសហការជាមួយ USAID ក៏ដូចជាអង្គការជាតិ អន្តរជាតិនៅក្នុងមួលដ្ឋាននេះ ឲ្យបានល្អប្រសើរតទៅទៀត ជាពិសេសពង្រីកម្មវិធីគម្រោងនេះ ឲ្យបានគ្រប់ខេត្ត ក្នុងន័យជួយកាត់បន្ថយភាពក្រីក្ររបស់ប្រជាកសិករ ឲ្យបានជាអតិបរមា។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម ក៏បានលើកឡើងថា ពីគោលនយោបាយ របស់រាជរដ្ឋាភិបាល បានកំណត់ច្បាស់ថា ការកែលំអបរិស្ថានសម្រាប់ធុរកិច្ច និងការបង្កើតបរិយាកាសអំណោយផល សម្រាប់ការអភិវឌ្ឍន៍វិស័យឯកជន គឺជាបុរេលក្ខខណ្ឌ សម្រាប់ជំរុញកំណើនសេដ្ឋកិច្ច បង្កើតការងារកាត់បន្ថយភាពក្រីក្រ និងអភិវឌ្ឍន៍សេដ្ឋកិច្ចប្រកបដោយចិរភាព។
ក្នុងន័យនេះ រាជរដ្ឋភិបាល បានផ្តល់អាទិភាពខ្ពស់ ប្រព័ន្ធហេដ្ឋារចនាសម្ព័ន្ធជាតិ និងការពង្រឹងក្របខ័ណ្ឌ ច្បាប់បទប្បញ្ញាតិ ដែលសម្រួលដល់សកម្មភាពធុរកិច្ចពាណិជ្ជកម្ម និងការវិនិយោគឯកជន។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្មបន្តថា ដើម្បើលើកទឹកចិត្ត រាជរដ្ឋាភិបាលបានជំរុញ ការអភិវឌ្ឍន៍កសិពាណិជ្ជកម្មទី១ ពង្រឹងក្របខណ្ឌច្បាប់សម្រាប់ការគ្រប់គ្រងដីធ្លី រយៈពេលវែង និងទី២ លើកទឹកចិត្តដោយអនុគ្រោះពន្ធ អភិវឌ្ឍន៍ឧស្សាហកម្មផ្សេងៗ ដោយផ្អែកលើការកែច្នៃធនធានធម្មជាតិដែលមានស្រាប់។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម វាយតំលៃទៅលើសមិទ្ធផលទាំងឡាយ ដែលអាជ្ញាធរខេត្ត មន្ទីរកសិកម្មខេត្តក៏ដូចជា សមិទ្ធផលនៃគ្រោងសម្រេចបានកន្លងមកនេះ គួរឲ្យកោតសរសើរ ក្នុងនោះមានស្រុកគោលដៅចំនួន៦ នៃខេត្តស្វាយរៀងៈ គឺស្រុកស្វាយជ្រំ ស្វាយរៀងស្វាយទាប ចន្ទ្រា និងស្រុកកំពង់រោទ៍ហើយកម្មវិធីនាថ្ងៃនេះ គឺជាសក្ខីភាពបង្ហាញសាធារណជនទាំង
