ឯកឧត្តមរដ្ឋមន្រ្តី វេង សាខុន បានអញ្ជើញដឹកនាំគណប្រតិភូ ដើម្បីចុះហត្ថលេខាលើអនុស្សារណៈនៃការ យោគយល់គ្នា ស្តីពីកិច្ចសហប្រតិបត្តិការលើវិស័យកសិកម្ម រវាងកម្ពុជា-ម៉ាឡេស៊ី នៅទីក្រុងកូឡាឡាំពួរ

ចេញ​ផ្សាយ​ ២០ កុម្ភៈ ២០១៨ 3399

នៅវេលាម៉ោង ១១ និង១០នាទីព្រឹក ថ្ងៃទី០៩ ខែធ្នូ ឆ្នាំ២០១៦ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំគណប្រតិភូក្រសួងកសិកម្ម រុក្ខាប្រមាញ់ និងនេសាទ ដើម្បីចុះហត្ថលេខាលើអនុស្សារណៈនៃការយោគយល់គ្នា ស្តីពីកិច្ចសហប្រតិបត្តិការលើវិស័យកសិកម្ម រវាងកម្ពុជា-ម៉ាឡេស៊ី និងចូលរួមក្នុងព្រឹត្តិការណ៏ តាំងពិព័រណ Malaysia Agriculture, Horticulture and Agrotourism International Show (MAHA) នៅទីក្រុងកូឡាឡាំពួរ ប្រទេសម៉ាឡេស៊ី។ សូមបញ្ជាក់ថា អនុស្សារណៈនៃការយោគយល់គ្នានេះរៀបចំឡើងដើម្បី បង្កើត ពង្រឹង ជំរុញ និងអភិវឌ្ឍន៏កិច្ចសហប្រតិបត្តិការលើវិស័យកសិកម្មរវាងប្រទេសទាំងពីរ ផ្អែកលើមូលដ្ឋាន សមធម៌ និងផ្តល់ផលប្រយោជន៏អោយគ្នាទៅវិញទៅមក។ អនុស្សារណៈនៃការយោគយល់គ្នានេះផ្តោតសំខាន់ទៅលើ · ដំណាំ · វារីវប្បកម្ម · ការចិញ្ចឹមសត្វ · បច្ចេកវិទ្យាក្រោយប្រមូលផលនិងតំលៃបន្ថែមលើផលិតផលត្រី · ការសម្របសម្រួលធុរៈកិច្ចនិងវិនិយោគនៅក្នុងការចិញ្ចឹមសត្វនិងត្រី · ការពង្រឹងសមត្ថភាព ផ្លាស់ប្តូរការបណ្តុះបណ្តាល ទស្សនកិច្ចសិក្សា ស្រាវជ្រាវ និងការអភិវឌ្ឍ · ការអភិវឌ្ឍវិធីភ្ញាស់កូន និងការគ្រប់គ្រងពូជត្រី · បច្ចេកវិទ្យាវារីវប្បកម្ម · ការគ្រប់គ្រង និងអភិរក្សធនធានជលផល · អនាម័យ និងភូតគាមអនាម័យ