ការចុះត្រួតពិនិត្យជី-ថ្នាំកសិកម្មរបស់មន្រ្តីជំនាញ គឺដើម្បីគុណភាពនិងសុវត្ថិភាពប្រើប្រាស់របស់កសិករ
ចេញផ្សាយ ២១ សីហា ២០២៥ 4923
ក្នុងរយៈពេល២សប្តាហ៍នៃខែសីហា ឆ្នាំ២០២៥នេះ មន្ត្រីជំនាញនៃអគ្គនាយកដ្ឋានកសិកម្ម និងមន្រ្តីនីតិកម្មកសិកម្មខេត្ត បានចុះត្រួតពិនិត្យឃ្លាំងសន្និធិជី-ថ្នាំកសិកម្ម បានចំនួន ៤កន្លែង និងបានចុះត្រួតពិនិត្យដេប៉ូចំនួន ៤៤ដេប៉ូ នៅតាមបណ្តា រាជធានី-ខេត្ត ដោយបានពន្យល់ និងអប់រំណែនាំដល់បងប្អូនអាជីវករឱ្យយល់ដឹងអំពីការស្តុកទុកជី-ថ្នាំកសិកម្មឱ្យបានត្រឹមត្រូវតាមបច្ចេកទេស និងការលក់ដូរជី-ថ្នាំដែលមានច្បាប់អនុញ្ញាត ដេីម្បីធានាសុវត្ថិភាពទាំងអាជីវករ និងកសិករដែលយកទៅប្រើប្រាស់ផ្ទាល់ ព្រមទាំងបានបន្តណែនាំដល់អ្នកលក់ជី-ថ្នាំខុសច្បាប់តាមអនឡាញឱ្យមកអនុវត្តតាមនីតិវិធីនៃច្បាប់ស្តីពីការគ្រប់គ្រងថ្នាំកសិកម្ម និងជីកសិកម្ម។
ក្រៅពីនេះ មន្ត្រីជំនាញក៏បានណែនាំ និងជួយផ្សព្វផ្សាយអំពីបច្ចេកទេសនៃការប្រើប្រាស់ជី-ថ្នាំកសិកម្មដល់កសិករឱ្យទទួលបានប្រសិទ្ធភាពខ្ពស់ (អាចទំនាក់ទំនងតាមរយៈលេខទូរស័ព្ទ : ១២៨៩)ដេីម្បីចូលរួមក្នុងការកាត់បន្ថយចំណាយលើថ្លៃដើមផលិត និងលេីកកម្ពស់ផលប្រយោជន៍របស់ប្រជាកសិករ ។
