Other News
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំក្រុមការងារចម្រុះ ចុះបង្រ្កាបបទល្មើសជលផលក្នុងទឹកដីខេត្តកំពង់ចាម
ចេញផ្សាយ ២៧ កញ្ញា ២០២៤ 3285
នៅថ្ងៃទី២៦ ខែកញ្ញា ឆ្នាំ២០២៤ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយមានការសម្របសម្រួលពីឯកឧត្តម វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល បានចំនួន ០៤ករណី ដោយកសាងសំណុំរឿងបញ្ជូនទៅតុលាការ ចាត់វិធានការតាមនិតិវិធីច្បាប់ស្តីពីជលផល។
ប្រតិបត្តិការចុះបង្ក្រាបនោះ មានការចូលរួមពីតំណាងមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម កម្លាំងខណ្ឌរដ្ឋបាលជលផលកំពង់ចាម សហការជាមួយអធិការដ្ឋានរដ្ឋបាលជលផលមេគង្គ អាជ្ញាធរស្រុកកំពង់សៀម អធិការដ្ឋាននគរបាលស្រុកកំពង់សៀម និងមូលដ្ឋានកងរាជអាវុធហត្ថស្រុកកំពង់សៀម។
វត្ថុតាងដែលរឹបអូស និងបំផ្លាញចោលនៅនឹងកន្លែងកើតហេតុ ស្ថិតនៅស្រុកកំពង់សៀម ខេត្តកំពង់ចាម រួមមាន៖ ឧបករណ៍លូស្បៃមុងសរុបចំនួន ៧៦មាត់ របាំងស្បៃមុងប្រវែង ២ ២៨០ម៉ែត្រ បង្គោលចម្រឹងឫស្សីចំនួន ១ ១៤០ដើម។ ចំណែក កូនត្រីចម្រុះទម្ងន់ ៣០៤គីឡូក្រាម ត្រូវបានចាក់លែងចូលក្នុងបឹងធម្មជាតិវិញ៕
