ឯកឧត្តមរដ្ឋមន្ដ្រី ឌិត ទីណា និង​សហការីបានអមដំណើរឯកឧត្តមឧបនាយករដ្ឋមន្ដ្រី ជា សុផារ៉ា មកកាន់ខេត្តកំពង់ធំ ដេីម្បីពិនិត្យមេីលអំពីការស្នេីសុំកែសម្រួលព្រំប្រទល់តំបន់២ និងតំបន់៣នៃតំបន់ទន្លេសាប

ចេញ​ផ្សាយ​ ២៦ ធ្នូ ២០២២ 4596

នៅថ្ងៃ​ទី​២៥ ខែ​ធ្នូ ឆ្នាំ​២០២២ ឯកឧត្តមរដ្ឋមន្ដ្រី ឌិត ទីណា និង​ក្រុមការងារនៃ​ក្រសួងកសិកម្ម រុក្ខាប្រមាញ់​ និងនេសាទ​​ បានអមដំណើរឯកឧត្តមឧបនាយករដ្ឋមន្ដ្រី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ មកកាន់ខេត្តកំពង់ធំ ដេីម្បីពិនិត្យមេីលអំពីការស្នេីសុំកែសម្រួលព្រំប្រទល់តំបន់២ និងតំបន់៣នៃតំបន់ទន្លេសាប ក្នុងភូមិសាស្ត្រស្រុកតាំងគោក និងស្រុកសន្ទុក ខេត្តកំពង់ធំ ក៏ដូចជាពិនិត្យទៅលេីផ្ទៃដីស្រែអាស្រ័យផលរបស់ប្រជាពលរដ្ឋ និងបញ្ហាប្រឈមផ្សេងៗ។