ឯកឧត្តមរដ្ឋលេខាធិការ ហាស់ សារ៉េត អញ្ជើញជាគណៈអធិបតីក្នុងកិច្ចប្រជុំបូកសរុបលទ្ធផលការងារមន្ទីរកសិកម្ម ខេត្តព្រៃវែងប្រចាំខែកក្កដា ឆ្នាំ២០២៥

ចេញ​ផ្សាយ​ ២១ សីហា ២០២៥ 307

នៅថ្ងៃទី២១ ខែសីហា ឆ្នាំ២០២៥ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាគណៈអធិបតី ក្នុងកិច្ចប្រជុំ បូកសរុបលទ្ធផល ការងារមន្ទីរកសិកម្ម ខេត្តព្រៃវែងប្រចាំខែកក្កដា ឆ្នាំ២០២៥ នៅសាលប្រជុំធំមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង។

កិច្ចប្រជុំនេះ មានការចូលរួមពី ឯកឧត្ដម ចាន់ រ៉ាន់ អភិបាលរងនៃគណៈអិបាលខេត្តព្រៃវែង និងជាតំណាងឯកឧត្តម សួន សុម៉ាលីន អភិបាលនៃគណៈអភិបាលខេត្ត ឯកឧត្ដម ទឹម បូរក្ស អនុរដ្ឋលេខាធិការក្រសួងកសិកម្ម លោក អ៊ុក សំណាង ប្រធានមន្ទីរ រួមទាំងលោក លោកស្រី អនុប្រធានមន្ទីរ លោកនាយ នាយរងខណ្ឌ លោក លោកស្រីប្រធាន អនុប្រធានការិយាល័យ និងមន្ត្រីរាជការទាំងអស់ក្រោមឱវាទមន្ទីរកសិកម្ម និងលោក ហេង ជូឡុង ប្រធានការិយាល័យតំបន់មេគង្គក្រោម និងជាតំណាងនាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ ជាពិសេសមន្ត្រីកសិកម្មឃុំក្នុងខេត្តព្រៃវែងចំនួន៩០នាក់។

នៅចំពោះមុខអង្គពិធី ឯកឧត្តមរដ្ឋលេខាធិការ បានដំណើរការដោយមានសំណួរចម្លើយរវាងការិយាល័យជំនាញ ជាមួយអ្នកចូលរួមទាំងអស់ មានលោកប្រធានការិយាល័យក្សេត្រសាស្រ្ត និងកែលំអដីកសិកម្ម លោកស្រីប្រធានការិយាល័យអភិវឌ្ឍន៍សហគមន៍កសិកម្ម លោកអនុប្រធានការិយាល័យផលិតកម្ម និងបសុព្យាបាល និងលោកនាយខណ្ឌរដ្ឋបាលជលផល។

ជាចុងបញ្ចប់ ឯកឧត្តមប្រធាន បានណែនាំអោយមន្ត្រីកសិកម្មឃុំ សហការជាមួយអាជ្ញាធរមូលដ្ឋាន ដោយប្រើទេពកោសល្យដឹកនាំដើម្បីសម្រេចការងារ និងបានផ្តល់នូវទស្សនទានមួយចំនួនសម្រាប់អនុវត្តបន្ត រួមមាន ការកាត់បន្ថយថ្លៃដើមផលិតលើផលិតកម្មដំណាំស្រូវ កែលម្អផលិតកម្មដំណាំបន្លែ ជំរុញផលិតកម្មសត្វ និងផលិតផលវារីវប្បកម្ម៕