ព័ត៌មានផ្សេងៗទៀត
ខណ្ឌរដ្ឋបាលជលផលខេត្តពោធិ៍សាត់ រួមជាមួយកងរាជអាវុធ ហត្ថខេត្ត និងជំនាញពាក់ព័ន្ធសហការចុះបង្ក្រាបបទល្មើសនេសាទ នៅស្រុកក្រគរ ក្នុងខេត្តពោធិ៍សាត់
ចេញផ្សាយ ២៤ មិថុនា ២០២៦ 3680
នៅថ្ងៃទី២៤ ខែមិថុនា ឆ្នាំ២០២៦ លោក ភុន សុវណ្ណា នាយខណ្ឌរដ្ឋ បាលជលផល ខេត្តពោធិ៍សាត់ បានដឹកនាំក្រុមការងារ ផ្នែករដ្ឋបាល ជលផលក្រគរ សង្កាត់រដ្ឋបាលជលផលកំពង់លួង សហការជាមួយ កងរាជអាវុធហត្ថខេត្តពោធិ៍សាត់ កម្លាំងកងពលតូចថ្មើរជើងលេខ៥៣ និងកម្លាំងតំបន់ប្រតិបត្តិការសឹករងពោធិ៍សាត់ ចុះត្រួតពិនិត្យ និង ទប់ស្កាត់ បង្ក្រាបបទល្មើសនេសាទ ចាប់ពីចំណុចជ្រោយស្ដី នៅក្នុង ភូមិត្រពាំងរំដេញ ឃុំក្បាលត្រាច រហូតដល់មុខភូមិកំពង់ថ្គោល ឃុំអន្សារចំបក់ ស្រុកក្រគរ។
ជាលទ្ធផលនៃបេសកកម្មបង្ក្រាបបទល្មើសនេសាទនោះ ក្រុមការងារ ជំនាញបានរឹបអូសលូស្បៃមុងបានចំនួន០១ករណី៖ រុះរើរបាំងស្បៃមុង ចំនួន ១៦ខ្សែ ប្រវែង ១.២៥០ម៉ែត្រ លូកងស្បៃមុងចំនួន ១៨មាត់ បង្គោលចំនួន ១៧៥ដើម និងចាក់លែងត្រីចម្រុះចំនួន ១០គីឡូក្រាម៕
