ព័ត៌មានផ្សេងៗទៀត
ឯកឧត្តមរដ្ឋលេខាធិការ ប្រាក់ ដាវីដ ដឹកនាំគណៈប្រតិភូកម្ពុជាជួបពិភាក្សាការងារជាមួយក្រុមប្រឹក្សាធុរកិច្ចអាមេរិក-អាស៊ាន (US-ABC) នៅប្រទេសសិង្ហបុរី
ចេញផ្សាយ ១ វិច្ឆិកា ២០២៦ 152
នារសៀលថ្ងៃទី៣០ ខែតុលា ឆ្នាំ២០២៦ នៅប្រទេសសិង្ហបុរី ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំគណៈប្រតិភូកម្ពុជាជួបពិភាក្សាការងារជាមួយគណៈប្រតិភូ US-ABC ដោយផ្តោតសំខាន់លើការជំរុញភាពប្រកួតប្រជែង និងការផលិតកសិផលឱ្យស្របទៅនឹងតម្រូវការទីផ្សារជាក់ស្តែង។
ក្នុងជំនួបនេះ ឯកឧត្តមរដ្ឋលេខាធិការ បានបញ្ជាក់ពីការត្រៀមខ្លួនរួចជាស្រេចក្នុងការជួយសម្របសម្រួលដល់រាល់ក្រុមហ៊ុនអាមេរិក ដែលមានបំណងចង់មកវិនិយោគលើវិស័យកសិកម្មនៅកម្ពុជា។ បន្ថែមពីនេះ ភាគីទាំងពីរ បានឯកភាពបន្តពិនិត្យមើលរួមគ្នាអំពីលទ្ធភាព និងកិច្ចសហប្រតិបត្តិការក្នុងវិស័យស្រាវជ្រាវ និងឱកាសវិនិយោគឱ្យកាន់តែទូលំទូលាយ៕
